რუსეთის საგარეო საქმეთა სამინისტრო ევროკავშირის მიერ დაწესებულ ახალ სანქციებს უსაფუძვლოს უწოდებს და საპასუხო ზომების მიღებით იმუქრება.

ახალი სანქციები რუსეთს ევროკავშირმა ანექსირებულ ყირიმში კომპანია სიმენსის ტურბინების ჩატანის გამო დაუწესა. სანქციების ინიციატორი გერმანია იყო.

შავ სიაში მოხვდნენ რუსეთის ენერგეტიკის მინისტრის მოადგილე, სამინისტროს რამდენიმე მაღალჩინოსანი და სამი კომპანია.

სიმენსის ტურბინები ყირიმში რუსეთის ხელისუფლებამ ივლისის დასაწყისში ჩაიტანა. გერმანული კომპანიის განმარტებით, ეს რუსულ მხარესთან გაფორმებული შეთანხმების დარღვევისა და სანქციების გვერდის ავლით მოხდა.