რუსეთი დემოგრაფიული კატასტროფის წინაშე დგას - ექსპერტები საგანგაშო ტენდენციაზე საუბრობენ

მსოფლიო - 15:27, 03 Aug, 2017

4092

რუსეთი ახალ დემოგრაფიულ ორმოში აღმოჩნდა: მიმდინარე წელს შობადობის მაჩვენებელი მკვეთრად დაეცა. ამის შსესახებ სსტატიას BBC ავრცელებს, სადაც ნათქვამია, რომ ვითარება სამომავლოდ კიდევ უფრო გაუარესდება.

ექსპერტები ორ ფაქტორზე საუბრობენ: ქვეყნის მდედრობითი სქესის წარმომადგენლები ბერდებიან, ახალგაზრდა ოჯახები კი შვილის ყოლისგან ქვეყნის რთული ეკონომიკური მდგომარეობის გამო თავს იკავებენ.

2017 წლის იანვრიდან მაისის ჩათვლით რუსეთში 679,2 ათასი ბავშვი დაიბადა. 2016 წლის იმავე პერიოდში რუსეთში 762.5 ათასი ბავშვი დაიბადა, შესაბამისად შობადობის მაჩვენებელი 11%-ით შემცირდა.

შობადობის მაჩვენებლის კლება 2015 წლიდან დაიწყო, მიმდინარე წლის დასაწყისიდან კი ეს მაჩვენებელი მკვეთრად დაეცა.

რუსეთის ხელისუფლება მრავალი წლის განმავლობაში შობადობის მაჩვენებლის ზრდით „ამაყობდა“, განსაკუთრებით ამ მაჩვენებელს 2 000 წლიდან აკვირდებოდნენ. მიმდინარე წლის აპრილში შობადობის მაჩვენებელზე ისაუბრა რუსეთის ფედერაციის პრემიერ-მინისტრმა, დიმიტრი მედვედევმა და აცხადებდა, რომ ეს მაჩვენებელი იზრდებოდა, თუმცა რამდენიმე დღეში თავად ვლადიმირ პუტინმა ამ მაჩვენებლის კლების შესახებ გააკეთა კომენტარი.