"კვირის პალიტრასთან" საუბრისას სანდრო გირგვლიანის მამა, გურამ გირგვლიანი აღნიშნავს, რომ მერაბშვილის დაჭერით მისი ოჯახისთვის სამართლიანობის აღდგენა დაიწყო:

"ეჭვი არ მეპარებოდა, რომ მერაბიშვილს ბრალს წაუყენებდნენ. ბოლოს და ბოლოს ხომ უნდა დასრულდეს ეს საქმე. ყველა ხედავდა როგორ იბრძოდა ჩემი მეუღლე, ირინა. მარტო ვანოს დასჯა არ არის საკმარისი. ცხადია, ის საქმის გამყალბებელი და დამნაშავეებზე ხელის დამფარებელია, რათა დაეცვა თავისი ცოლი. სალაყაიამ ჩემი შვილის მკვლელობის შემდეგ გვარიც გამოიცვალა და მერაბიშვილი გახდა, ამ ქალბატონს ისე მოაქვს თავი, თითქოს ანგელოზია", - განაცხადა გურამ გირგვლიანმა.

გურამ გირგვლიანი პრეზიდენტის მობოდიშებას Pღ-ად თვლის და აღნიშნავს, რომ სანამ ირინა ენუქიძე ცოცხალი იყო, სააკაშვილს მანამდე შეეძლო გარკვეული ზომების მიღება:

"სააკაშვილზე რა ვთქვა? ის ახლა იხდის ბოდიშს, მაგრამ ეს მხოლოდ პიარია. ის კარგი ჯამბაზია. ცხონებული ჩემი მეუღლე ცოცხალი რომ იყო, მაშინ შეეძლო მიეღო ზომები, მაგრამ ეს არც უცდია...ირინა ბოლო დროს ხმასაც ვერ იღებდა. საავადმყოფოში ორი თვე გაატარა და გათიშული იყო. ბოლო კვირას მოვიდა გონს, ესმოდა ყველაფერი რასაც ვეუბნებოდით, მაგრამ ვერ გველაპარაკებოდა. სიკვდილამდე მხოლოდ ის მოახერხა, რომ ფურცელზე დაწერა "სანდრო"", - აღნიშნა გურამ გირგვლიანმა.