ჩეჩნეთის ოდიოზურმა ლიდერმა რამზან კადიროვმა სოცქსელ Telegram-ში დაწერა, რომ მზად არის გაქდადგეს თანამდებობიდან და პირადად აღუდგეს წინ ებრაელ პოლიციელებს, დაიცვას მათგან ძველ იერუსალიმში მდებარე ალ-აქსას მეჩეთი. შეგახსენებთ, რომ რამ,დენიმე კვირის წინ ისრაელმა ძველ იერუსალიმში, მათ შორის ზ.ა. მეჩეთის მიმდებარე ტერიტორიაზე უსაფრთხოების ზომები გააძლიერა.

"მე პირადად მზად ვარ გადავდგე თანამდებობიდან, ჩავიდე იერუსალიმში და სიცოცხლის ბოლომდე დავიცვა ალ-აქსას მეჩეთი," - წერს კადიროვი.

მის განცხადებას, ერთერთი უკრაინული ინტერნეტპორტალის მეშვეობით, გამოეხმაურა ისრაელის თავდაცვის არმიის გენერალური შტაბის სპეცდანაყოფის "საიერეტ მატკალის" თადარიგის მაიორი, რომელიც კადიროვს პირდება, რომ შესაფერის დახვედრას მოუწყობს.

"მე ისრაელში 25 წლის წინ ჩამოვედი. ის ჩემი სამშობლო გახდა, რომელსაც სიცოცხლესაც კი შევწირავ...

მე გავეცანი კადიროვის, რომელიც საკუთარ თავს "ჩეჩნეთის ლიდერს" უწოდებს, ოდიოზურ განცხადებას. შევახსენებ მას, რომ გასული საუკუნის 90-ებში კადიროვი მამასთან ერთად რუსებს ხოცავდა... ხოლო 2000 წლის შემდეგ მათ საკუთარ ხალხს და თანამოძმეებს უღალატეს, პუტინს მიეყიდნენ და უკვე ჩეჩნების ხოცვა დაიწყეს, რისთვისაც კადიროვმა ფული, თანამდებობა და რუსეთის "გმირის" წოდება მიიღო.

2008 წელს კადიროვმა თავისი ბანდიტები საქართველოში გააგზავნა, რათა ქართველი ხალხი გაენადგურებინა...

2014 წელს "კადიროველები" დონბასში ჩავიდნენ და უკვე უკრაინელების ხოცვა დაიწყეს, რათა პრორუს სეპარატისტებს დახმარებოდნენ. ისინი დღემდე აკეთებენ თავის შავ საქმეს დონეცკში და უკრაინის სხვა ქალაქებში.

იგივეს აკეთბენ კადიროვის ტერორისტები სირიაშიც: ძარცვავენ, კლავენ და ასახიჩრებენ სირიის მშვიდობიან მოსახლეობას და იმ მებრძოლებს, რომლებიც დიქტატორ ასედის წინააღმდეგ გამოდიან.

ახლა, 2017 წელს "რწმენას" ამოფარებული კადიროვი, რომელიც "მგზნებარე მუსლიმის" როლს თამაშობს და გვპირდება, რომ ჩამოვა იერუსალიმში და ისრაელის პოლიციისა და კანონების წინააღმდეგ ბრძოლას აპირებს.

ჩამოდი რამზან, ჩვენ აქ სათანადოდ დაგხვდებით! ებრაელი ერის წინააღმდეგ ბრძოლა შენი უკანასკნელი ბრძოლა იქნება. "მეჩეთის დაცვის" საბაბით შენ ისრაელის წინააღმდეგ ომს ქადაგებ, მაგრამ ჩვენი ერი არასდროს შეუშინებია მუქარას, მითუმეტეს შენისთანა საცოდავი მოღალატისა და ტერორისტის მუქარას," - წერს ებრაელი მაიორი, დანიელ გ.

წყარო dialog.ua