აშშ-ს ახალ სანქციებს რუსეთის საგარეო უწყებამ შანტაჟი უწოდა

მსოფლიო - 17:31, 28 Jul, 2017

1647

აშშ-ს მიერ დაწესებულ ახალ ანტირუსულ სანქციებს რუსეთის საგარეო საქმეთა სამინისტრო ოფიციალური განცხადებით პასუხობს.

მოსკოვი შეშფოთებას გამოთქვამს ახალი სანქციების გამო, რომელიც ყველაზე მასშტაბურია 2014 წლის შემდგომ პერიოდში.

საგარეო საქმეთა სამინისტრო თვლის, რომ ეს პაკეტი კიდევ ერთხელ ადასტურებს აშშ-ს უკიდურეს აგრესიულობას საერთაშორისო საკითხებში.

"აღნიშნული დოკუმენტის მიღება არის შანტაჟი, რომელიც ზღუდავს საერთაშორისო პარტნიორებს რუსეთთან ურთიერთობის საკითხებში, რაც უარყოფითად მოქმედებს ბევრ ქვეყანასა და ბიზნესზე," - ნათქბვამია საგარეო უწყების განცხადებაში.

მოსკოვი აგრეთვე საკითხის ეკონომიკურ მხარეზეც საუბრობს და აცახდებს, რომ აშშ "ცდილობს შექმნას არაკეთილსინდისიერი კონკურენტული უპირატესობები გლობალურ ეკონომიკაში."

მოსკოვი საპასუხოდ რუსეთში მყოფ ამერიკელ დიპლომატებს შეზღუდვებს უწესებს.

"ვთავაზობთ ამერიკულ მხარეს, პირველ სექტემბრამდე რუსეთში ამერიკის დიპლომატიური მისიების თანამშრომლების , მათ შორის ტექნიკური თანამშრომლების რაოდენობა გაუთანაბრდეს ამერიკაში რუსეთის დიპლომატიურ მისიებში მომუშავე პერსონალის რაოდენობასთან. ეს იმას ნიშნავს, რომ საერთო ჯამში ამერიკის დიპლომატიურ მისიებში მომუშავე თანამშრომლების რიცხვი უნდა შემცირდეს 455 ადამიანამდე . იმ შემთხვევაში თუ ამერიკული მხარე ისევ გადადგამს რამე ნაბიჯს ამ მიმართულებით , ჩვენი პასუხი იქნება სარკისებური. რუსული მხარე პირველი აგვისტოდან ამერიკულ მხარეს დორონოის ქუჩაზე არსებული ყველა საწყობის გამოყენებას შეუზღუდავს, ასევე შეწყდება სერბრაინი ბორთან არსებული აგარაკების გამოყენება საელჩოს თანამშრომებისთვის", - ნათქვამისა რუსეთის საგარეო საქმეთა სამინისტროს განცხადებაში.