რუმინეთის ხელისუფლებამ საკუთარ საჰაერო სივრცეში არ გაატარა სამგზავრო თვითმფრინავი, რომელზეც რუსეთის ვიცე-პრემიერი ვლადიმერ როგოზინი იმყოფებოდა. როგოზინი მოსკოვიდან კიშინიოვში მიემგზავრებოდა. ამის შესახებ ინფორმ,აციას მოლდოვაში რუსეთის ელჩი ავრცელებს.

აღნიშნული ქმედება ევროკავშირის მიერ რუსეთისთვის დაწესებული სანქციების გამო განხორციელდა. როგოზინი ერთერთი პოლიტიკოსია, რომელიც ევროპისა და აშშ-ს მიერაა სანქცირებული.

თვითმფრინავმა რუმინეთისა და უნგრეთის საზღვართან რამდენიმე წრე გააკეთა და უკან რუსეთში დაბრუნდა.

როგოზინი დნესტრისპირეთში მიემგზავრებოდა, სადაც რუსული "სამშვიდობო მისიის" 25 წლისთავისადმი მიძღვნილი ღონისძიებები უნდა გაიმართოს.

ჯერჯერობით უცნობია, შეძლებს თუ არა როოზინი დანიშნულების ადგილზე ჩასვლას/