არჩილ კბილაშვილის განცხადებით, ჯერჯერობით რთული სათქმელია დაუმძიმდება თუ არა მერაბიშვილს ბრალი უკანონოდ მოპოვებული ფარული ჩანაწერების გამოც.

რაც შეეხება მასალების განადგურებას, კბილაშვილი ამბობს, რომ კომისია მსჯელობს, დაერთოს თუ არა უკანონოდ მოპოვებული ფარული ჩანაწერები მტკიცებულებად სისხლის-სამართლის საქმეებს.

"ფირების განადგურების შესახებ კომისიაში მონაწილე ყველა ადამიანის აზრი არის ერთგვაროვანი, უბრალოდ ერთი საკითხია დასაზუსტებელი, განადგურებამდე მოხდეს თუ არა ამ მასალების მტკიცებულებად გამოყენება და სისხლის-სამართლის საქმეზე დართვა. ვიდეოფირებთან დაკავშირებით კომენტარს ვერ გავაკეთებ, უახლოეს დროში ვგეგმავთ, გირგვლიანის ეპიზოდთან დაკავშირებით მერაბიშვილისთვის ბრალის წარდგენას. ეს მოხდება უახლსოეს ორ დღეში", - განაცხადა არჩილ კბილაშვილმა.