პოპულარულმა მსახიობმა ანჯელინა ჯოლიმ ბრანჯელინას წყვილის დაშლაზე Vanity Fair-ისთვის მიცემულ ინტერვიუში ისაუბრა, რომელიც სექტემბერში გამოვა.

ჯილის თქმით, მისი და პიტის დაშორების მიზეზი გლამურული, სკანდალური და გადატვირთული ცხოვრების სტილი არ ყოფილა. მსახიობის თქმით მას და პიტს საერთო მიზანი აქვთ და ეს ოჯახზე ზრუნვაა.

როგორც ჯოლი ინტერვიუში აღნიშნავს მათი შვილები ძალიან მამაცები გამოდგნენ, თავად ის კი ტრავმას დიასახლისობით უმკლავდებოდა და ცდილობდა ყოფილიყო რიგითი ამერიკელი დედა. პრიორიტეტებზე და სამომავლო გეგმებზე საუბრისას, ჯოლი ამბობს, რომ მისთვის მთავარი შვილებისთვის მაქსიმალური დროის დათმობაა. მისი თქმით ის აკონტროლებს საკუთარ ცხოვრებას და ჯანმრთელობას და ახლა უფრო მეტად გრძნობს თავს ქალად, რადგან საკუთარი გადაწყვეტილებები ჭკვიანურად მიაჩნია.