წყაროს ცნობით, ყაჩაღური თავდასხმის დროს უცხოელ ტურისტებს წაართვეს ფული და სხვადასხვა ნივთები, მათ შორის, სხვადასხვა სახის აპარატურა და საკომუნიკაციო საშუალებები. პირველადი ინფორმაციით, რამდენიმე ტურისტს დაახლოებით 5.000 ლარი აღმოაჩნდა, რაც ყაჩაღებმა მთლიანად გაიტაცეს.

ყაჩაღური თავდასხმის დროს ტურისტებს წინააღმდეგობა არ გაუწევიათ, აქედან გამომდინარე, მათ დაზიანებები არ მიუღიათ.
წყარო იტყობინება, რომ სამი თავდამსხმელი ცეცხლსასროლი იარაღით იყო შეიარაღებული.

შეგახსენებთ, რომ სოფელი ლატალი ზუგდიდი-მესტიის გზის მონაკვეთზე მესტიამდე ბოლო სოფელია. სოფელში მრავალი ძველი ეკლესია და სხვა ღირშესანიშნაობაა და ამის გამო მუდამ იწვევდა ტურისტების დაინტერესებას.