"ძალიან ვნანობ, რომ დედასთან ბოლო საუბარი ასე ხანმოკლე აღმოჩნდა"

"ძალიან ვნანობ, რომ დედასთან ბოლო საუბარი ასე ხანმოკლე აღმოჩნდა" - პრინცი ჰარი

ეს საინტერესოა - 12:00, 04 May, 2018

7589

დიდ ბრიტანეთში პრინცესა დაიანას შესახებ გადაღებული ახალი დოკუმენტური ფილმის პრემიერა გაიმართა.

''დაიანა, დედაჩვენი: მისი ცხოვრება და მემკვიდრეობა'' - ასე ჰქვია დოკუმენტურ ფილმს, რომელიც ლედი დის გარდაცვალებიდან ოცი წლის თავზე გამოვიდა და რომელიც პრინცესა დაიანას ახლობელი ადამიანების ინტერვიუებზე არის აგებული. ფილმის დიდი ნაწილი ლედი დის შვილების - კემბრიჯის ჰერცოგ უილიამისა და პრინცი ჰარის საუბრებზეა.

როგორც ფილმიდან ირკვევა, პრინცებმა დედა გარდაცვალებამდე ერთი თვით ადრე ნახეს. პრინცი ჰარის თქმით, მათი მშობლების განქორწინების შემდეგ, ისი მშობლებს შორის იხლიჩებოდნენ.

პრინცესა დაიანა შვილებთან დაგეგმილ შეხვედრამდე ერთი დღით ადრე გარდაიცვალა.

ლედი დის გარდაცვალებისას უილიამი 15-ის, ჰარი კი 12 წლის იყო და მამასთან ერთად , ბალმორალში იმყოფებოდნენ. ფილმში მათ სინანული გამოთქვეს იმის გამო, რომ დედასთან უკანასკნელი სატელეფონო საუბარი ძალიან ხანმოკლე აღმოჩნდა, რადგან მათ სათამაშოდ წასვლა სურდათ.

„არასოდეს მიყვარდა მშობლებთან ტელეფონით საუბარი. ერთმანეთს ტელეფონით უფრო ხშირად ვეკონტრაქტებოდით, ვიდრე პირადად. ნამდვილად არ მახსოვს , მას რა ვუთხარი, მაგრამ ძალიან ვნანობ, რომ ის სატელეფონო ზარი ასე ხანმოკლე აღმოჩნდა. ამას მთელი დარჩენილი ცხოვრება უნდა ვებრძოლო“- ამბობს პრინცი ჰარი ფილმში.

პრინცი უილიამის თქმით, მათ საუბარი ბიძაშვილებთან ზარასა და პეტერე ფილპსთან თამაშს გამო შეწყვიტეს.

„რომ მცოდნოდა, რა მოხდებოდა, ასე არ მოვიქცეოდი. ეს სატელეფონო ზარი ჩემს გონებაშია და ეს ძალიან მძიმეა“ - ამბობს პრინცი უილიამი.

უილიამის თქმით , დედის სიკვდილი „სრულიად დამანგრეველი“ აღმოჩნდა და ამ დარდთან გამკლავებას, ძმები ერთმანეთთან საუბრით ცდილობდნენ. ისინი პრინცესა დაიანას „საუკეთესო დედად“ მოიხსენიებენ, რომელმაც მემკვიდრეობად სიყვარული დატოვა, თანაც ისეთი, რომელმაც გლობალურ ქველმოქმედებაზე იქონია გავლენა.

დოკუმენტურ ფილმში პირველად აჩვენეს გაერთიანებული სამეფოს პრინცების დედასთან გადაღებული უცნობი ფოტოები, რომლებიც შემდეგ სამეფო ოჯახმა სოციალურ ქსელშიც გამოაქვეყნა:

პრინცები დედის გარდაცვალებაზე და ამ ტრაგედიით გამოწვეულ სირთულეეებზე ამ დრომდე არ საუბრობდნენ. მათი გულახდილი საუბრები მხოლოდ რამდენიმე თვის წინ გავრცელდა.

ცნობილია ასევე ისიც, რომ პრინცი ჰარისა და უილიამის ინიციატივით კი კენსინგტონის სასახლის ბაღში პრინცესა დაიანას მემორიალური ძეგლი დაიდგმება. სულ მალე კი Feud-ის მეორე ნაწილი გამოვა. სერიალის მეორე სეზონი, პინცესა დაიანას ცხოვრებას შეეხება.

პრინცესა დაიანას 1 ივლისს 56 წელი შეუსრულდებოდა. პრინცმა ჰარიმ და უილიამმა კიდევ ერთხელ აღნიშნეს დედის მნიშვნელობა, მისი დანაკარგით გამოწვეული ტკივილის შესახებ.

შეგახსენებთ, პრინცესა დაიანა, 36 წლის ასაკში, პარიზში, 1997 წლის 31 აგვისტოს ავტოკატასტროფას ემსხვერპლა.