იერუსალიმის ძველ ქალაქში, ალ აქსას მეჩეთთან მეტალოდეტექტორების დამონტაჟების გამო, პალესტინამ ისრაელთან ოფიციალური ურთიერთობები შეაჩერა. ოფიციალური განცხადება ამის შესახებ პალესტინის ავტონომიის ლიდერმა, მაჰმუდ აბასმა გააკეთა.

მუსლიმების წმინდა ადგილას უსაფრთხოების ზომების გაძლიერებას აღმოსავლეთ იერუსალიმსა და მდინარე იორდანეს დასავლეთ სანაპიროზე მასშტაბური არეულობა მოჰყვა. შეტაკების დროს სამი პალესტინელი დაიღუპა, ასზე მეტი კი დაშავდა.

თავდასხმა მოხდა აგრეთვე რამალასთან ახლოს მდებარე ებრაულ დასახლებაშიც, სადაც დანით შეიარაღებულმა პალესტინელმა სამი ადამიანი მოკლა.

თავდამსხმელი ებრაელმა სამართალდამცველებმა დააკავეს.