"სუიციდი დემონია დედამიწაზე, რომელიც ჩვენს შორის დაიარება" - ვარსკვლავები ჩესტერ ბენინგტონს პატივს მიაგებენ

ეს საინტერესოა - 12:09, 21 Jul, 2017

4132

გრემის მფლობელი ამერიკული როკ-ჯგუფის, Linkin Park-ის სოლისტის, ჩესტერ ბენინგტონის სუიციდის შესახებ გავრცელებულმა ინფორმაციამ სრულიადნ ინტერნეტსივრცე შეძრა.

მუსიკოსის ხსოვნას პატივს მიაგებენ მისი ფანები მსოფლიოს სხვადასხვა კუთხიდან და მსოფლიო ვარსკვლავები.

მაიკ შინოდა და დეივ ფარელი წერენ, რომ მათი ახლო მეგობრისა და ჯგუფის წევრის გარდაცვალებით შოკირებულები და გულგატეხილები არიან.

თვითერზე ეხმაურება ჩესტერის გარდაცვალებას მუსკოსი ბილი აიდოლიც, რომელიც წერს, რომ ინფორამციით შოკირებულია.

„შოკირებული ვარ ჩესტერ ბენინგტონის გარდაცვალების გამო. მე მასთან ერთად დავუკარი ცოტა ხნის წინ ... ძალიან მომენატრება ის და მისი უდიდესი ტალანტი“ - წერს მუსიკოსი.

გრემის მფლობელი ვარსკვლავი Stormzy, რომლის კოლაბორაციაც შედგა ლინკინ პარკთან, წერს , რომ გულმოკლულია.

„გულმოკლული ვარ. თქვენ არ არიცთ , რა ემართებათ სერიოზულ ადამიანებს. ვლოცულობთ შენი ოჯახისთვის ჩემო ძმაო“ - წერს Stormzy.

ჩესტერის გარდაცვალებას ემოციურად გამოეხმაურა მომღერალი რიანა, რომელიც ამბობს , რომ მსგავსი ტალანტი არასოდეს შეხვედრია.

„ნამდვილად ყველაზე შთამბეჭდავი ნიჭი რაც კი სიცოცხლეში მინახავს. ვოკალის მხეცი“ - წერს რიანა.

ბენდი One Republic წერს, რომ ბენინგრონის სუიციდმა მათ გულები გაუტეხა.

"ღმერთო ჩემო. მშვიდად განისვენე ჩესტერ ბენინგტონ. ამ ამბავმა გულები გაგვიტეხა. სუიციდი დემონია დედამიწაზე, რომელიც ჩვენს შორის დაიარება" - წერს ჯგუფი.

ჩესტერს პატივი მიაგეს Nickelback-მა, Imagine Dragon-ნა, Metallica-ს ლარს ურლიხმა, გრემის აკადემიამ და სხვა მომღერლებმა.

შეგახსენებთ, 41 წლის ჩესტერ ბენინგტონმა სიცოცხლე თვითმკვლელობით დაასრულა 20 ივლისს, მისი უახლოესი მეგობრის, ქრის კორნელის დაბადების დღეზე, რომელმაც მიმდინარე წლის მაისში მოიკლა თავი. კრის კორნელს დღეს 53 წელი შეუსრულდებოდა.

მომღერალმა ლოს ანჯელესში, საკუთარ სახლში თავი ჩამოიხრჩო. სუიციდის მიზეზი უცნობია, თუმცა ცნობილია ის, რომ ადრე ნარკოტიკებზე და ალკოჰოლზე იყო დამოკიდებული, ბოლო დროს კი დეპრესიას ებრძოდა.

ჩესტერი მეორე ქორწინებაში იმყოფებოდა, მას 6 შვილი ჰყავს.