G20-ის ფარგლებში, აშშ-ისა და რუსეთის პრეზიდენტებს შორის, ოფიციალური ორსაათიანი შეხვედრის გარდა, კიდევ ერთი არაოფიციალური შეხვედრა გაიმართა.

აქამდე გაუხმაურებელი შეხვედრის შესახებ ინფორმაციას თეთრს სახლშიც ადასტურებენ.

არსებული ინფორმაციით, პუტინსა და ტრამპს შორის მეორე საუბარი, მათი ოფიციალური შეხვედრიდან რამდენიმე საათში, G20-ის ლიდერებეის ოფიციალური ვახშმის დროს შედგა. თეთრი სახლი მათი საუბრის დეტალებს არ ასაჯაროებს და აცხადებს, რომ ეს „ ხანმოკლე საუბარი იყო.

როიტერსის ცნობით, კი მათ დაახლოებით ერთ საათის განმავლობაში ილაპარაკეს, რასაც მხოლოდ რუსული მხარის თარჯიმანი ესწრებოდა.

რაც შეეხება აშშ-ის პრეზიდენტს, აღნიშნულ ინფორმაციას, რა თქმა უნდა თვითერზე გამოეხმაურა და "სიცრუე" უწოდა.

როგორც Washington Post წერს, სახელმწიფო მეთაურების ვახშმის მიმდინარეობისას, დონალდ ტრამპი ადგა და ვლადიმირ პუტინის გვერდით ცარიელ სკამზე დაჯდა. პუტინს მისი ოფიციალური თარჯიმანი ახლდა, ტრამპი კი მარტო იყო.

პირველი, ვინც ტრამპი-პუტინის საიდუმლო საუბრის შესახებ ინფორმაცია გაავრცელა, საერთაშორისო კვლევითი-საკონსალტინგო კომპანია Eurasia Group-ის ხელმძღვანელი იანა ბრემერია. რომელმაც Washington Post-ს განუცხადა, რომ პრეზიდენტების გაუხმაურებელი საუბრის შესახებ მან სადილზე მყოფი ორი ადამიანისგან გაიგო, რომლებიც აშშ-რუსეთის ლიდერების საუბარს შეესწრნენ.