ავსტრალიელმა სუპერმოდელმა მირანდა კერიმ და Snapchat-ის დამფუძნებელმა, ევან შპიგელმა 2 თვის წინ საიდუმლოდ იქორწინეს.

გუშინ კი კერიმ ქორწილის სამი ფოტო ინსტაგრამზე გამოაქვეყნა.

როგორც ფოტოებიდან ირკვევა, მას ქორწილში დიორის მოდის სახლის მიერ შექმნილი კაბა ეცვა.

ბულვარულმა გამოცემებმა, მირანდას კაბა, ამერიკელი მსახიობისა და მონაკოს პრინცესას, გრეის კელის საქორწილო კაბას შეადარეს და აღნიშნებს, რომ ავსტრალიელი მოდელის კაბის ინსპირაცია, სავარაუდოდ, მონაკოს პრინცესა გახა.

წყვილის ქორწილი ლოს ანჯელესში, ძალიან ვიწრო წრეში გაიმართა.

34 წლის მირანდა და 26 წლის ევანი ერთმანეთს 2014 წლიდან ხვდებოდნენ. ისინი 2016 წლის ივლისში დაინიშნენ.

26 წლის ევანი Snapchat-ის დამფუძნებელი და ფორბსის მიხედვით ყველაზე ახალგაზრდა მილიარდელია. 26 წლის ასაკში მისი ქონება 4.4 მილიარდი დოლარია.

34 წლის მირანდა კერი კი ყველაზე წარმატებული ავსტრალიელი მოდელია. 2008 წლიდან მსოფლიოს ერთ-ერთი ყველაზე შემოსავლიანი მოდელი, აქვს საკუთარი ბრენდი, KORA Organics, გამოცემული აქვს წიგნი. მირანდა კერი ფორბსმა 2016 წლის ყველაზე მაღალანაზღაურებად მოდელებს შორის დაასახელა. გასული 12 წლის განმავლობაში მირანდას შემოსავალმა 6 მილიონი დოლარი შეადგინა.

მირანდა კერი 2013 წელს მსახიობ ორლანდო ბლუმს დაშორდა. მირანდას და ბლუმს 6 წლის ბიჭი ჰყავთ.