ლაშა ტუღუში: თუ კანონი გვინდა დავიცვათ, მაშინ ეს კადრები უნდა განდაგურდეს

საზოგადოება - 11:25, 21 Jun, 2013

412

შეხვედრის გამართვის გადაწყვეტილება გუშინ გვიან ღამით შინაგან საქმეთა მინისტრმა მიიღო. თუმცა როგორც კომისიის წევრები აცხადებენ მათთვის უცნობია შეხვედრის მიზანი და მათი თქმით რამდენიმე დღის წინ კომისიამ უკვე მიიღო გადაწყვეტილება რომ უნდა განადგურდეს პირადი ცხოვრების ამსახველი კადრები.

ასევე ვრცელდება ინფორმაცია, რომ შინაგან საქმეთა მინისტრმა ირაკლი ღარიბაშვილმა გუშინ მედიისა და არასამთავროიბო ორგანიზაციების წარმომადგენლებთან განაცხადა, რომ შესაძლოა ეს გადაწყვეტილება გადაიხედოს.

,,რეზონანასის" მთავარი რედაქტორი ლაშა ტუღუში მიიჩნევს, რომ კადრები შეიცავს დანაშაულის ნიშნებს და კანონის დაცვის თვალსაზრისით, ის უნდა განადგურდეს:

,,სამძებრო საქმიანობის შესახებ კანონში პირდაპირ წერია რომ ის ინფორმაცია, რომელიც არის პირადი ცხოვრების თაობაზე, არ შეიცავს დანაშაულის ნიშნებს და ის ინფორმაცია არანაირად არ არის კავშირში, თვითონ ინფორმაციის შინაარსი დანაშაულთან, არის პატივის და ღირსების შემლახველი უნდა განადგურდეს. ჩვენ თუ გვინდა დავიცვათ კანონი მაშინ უნდა გავანადგუროთ და თუ არ გვინდა დავიცვათ კანონი, კი ბატონო, წავიდეთ სხვა გზით. ეს კადრები შეიცავს დანაშაულის ნიშნებს და ამ კადრებთან დაკავშირებით არ არსებობს ორი აზრი", - აცხადებს ,,რეზონანსის" მთავარი რედაქტორი ლაშა ტუღუში.