იერუსალიმში, ძველი ქალაქის შესასვლელებში, სადაც სამი სხვადასხვა რელიგიის სიწმინდეები მდებარეობს, უსაფრთხოების დამატებითი ზომები ამოქმედდა. სამართალდამცავებმა პატრულირება გააძლიერეს და დეტექტორებს ამონტაჟებენ.

განკარგულება ისრაელის პრემიერმა ბენიამინ ნეთანიაჰუმ პარასკევს მომხდარი ტერაქტის შემდეგ გასცა.

14 ივლისს ტაძრის მთაზე 3-მა შეიარაღებულმა პირმა ცეცხლი გახსნა. დაიღუპა 2 პოლიციელი და 3-ივე თავდამსხმელი.

ტერაქტის გამო ძველი ქალაქი სამი დღის განმავლობაში ტურისტებისა და მომლოცველებისთვის ჩაკეტილი იყო.