ერთ დღეში შეცვლილი ცხოვრება: 5 შვილიანმა წყვილმა მომაკვდავი მეზობლის 3 ბავშვი იშვილა

ეს საინტერესოა - 12:19, 13 Jul, 2017

31166

თიშა ბოშემინი, ამერიკაში, ნიუ ჯერსიში მეუღლესა და 5 შვილთან ერთად ცხოვრობდა.

მათი ეკონომიკური მდგომარეობა არც თუ ისე სახარბიელო იყო, თუმცა ბედს მაინც არ უჩიოდა.

ერთელაც მისი ცხოვრება რადიკალურად შეიცვალა.

მისმა მეზობელმა ოდრი დ-ს სასწრაფო სამედიცინო გამოკლვევა დასჭირდა და თიშას, მისი სამი ბავშვის რამდენიმე საათით მიხედვა სთხოვა. მიუხედავად იმისა, რომ მეზობლებს ახლო ურთიერთობა არ ჰქონდათ, თიშა დათანხმდა.

საავადმყოფოდან დაბრუნებულმა ოდრიმ თიშას აცნობა, რომ პანკრეასის მეორე სტადია აღმოაჩნდა. ამ მომენტიდან თიშა ოდრის გვერდიდან არ მოშორებია. მიუხედავად იმისა, რომ ოდრის ნათესავები მზრუნველობას არ აკლებდნენ, თიშა მასთან ყოველ დღე მიდიოდა, საავადმყოფოში პროცედურებზე დაჰყვებოდა და დაავადებასთან ბრძოლაში ეხმარებოდა.

თუმცა, ოდრის მდგომარეობა დღითიდღე უარესდებოდა. ძალიან დაუძლურდა. ერთ საღამოსაც , როდესაც თიშა წამლების მიღებაში ეხმარებოდა , სთხოვა, მისი გარდაცვალების შემდეგ, მის სამ შვილზე ეზრუნა. სამწუხაროდ, ოდრი კიბოს ემსხვერპლა.

თიშას ბევრი არც უფიქრია, მეუღლეს ჩანაფიქრი გაანდო და გადაწყვიტეს, უდედოდ დარჩენილი სამივე ბავშვი ეშვილებინათ.

თიშამ და მისმა მეუღლემ 8 ბავშვზე ზრუნვა დაიწყეს, მიუხედავად იმისა, რომ არც სახლი ჰყოფნიდათ და არც მატერიალურად ულხინდათ, 8-ვე ბავშვზე ერთნაირად ზრუნავდნენ.

ერთ დღესაც, მათ სახლში ადგილობრივი ტელევიზია მივიდა და ოჯახის ცხოვრება სრულიად თავდაყირა დააყენა.

ოჯახს განუცხადეს, რომ მათ რამდენიმე დღე სასტუმროში უნდა გაეტარებინათ , რადგან მათი სახლის მიმდებარე ტერიტორიაზე მშენებლობა იწყებოდა.

რეალურად კი ყველაფერი სხვაგვარად იყო. როგორც აღმოჩნდა, ოჯახის შესახებ ინფორმაციამ ადგილობრივ ხელისუფლებამდე მიაღწია და ოჯახისთვის სიურპრიზის გაკეთება გადაწყვიტა.

რამდენიმე დღის შემდეგ სახლში დაბრუნებულმა თვალებს არ დაუჯერეს - მათი სახლი რადიკალურად იყო შეცვლილი, გადაკეთებული, გარემონტებული, კეთილმოწყობილი, ახალი ავეჯითა და ტექნიკით მოწყობილი.

ამავდროულად, თიშას ვაუჩერი გადასცეს, რომელიც მისთვის ადგილობრივმა სუპერმარკეტების ქსელმა გამოყო და ერთი წლის განმავლობაში უფასო პროდუქციას ითვალისწინებს.