ისტორიაში პირველად, დედამიწიდან თანამგზავრზე ფოტონის ტელეპორტაცია მოხდა

ეს საინტერესოა - 19:14, 12 Jul, 2017

16237

1947 წელს დაწერილ წერილში აინშტაინი ამბობდა, რომ კვანტურ მექანიკას სერიოზულად ვერ აღიქვამდა, რადგან „ფიზიკამ უნდა წარმოაჩინოს რეალობა დროსა და სივრცეში, და მასში არ უნდა იყოს გარეული მოჩვენებითი დისტანციური ქმედებები”.

დღეს კი ცნობილი გახდა, რომ ისტორიაში პირველად, ჩინელმა სპეციალისტებმა, კვანტური ტელეპორტაციის მეთოდით დედამიწიდან თანამგზავრზე ობიექტი გააგზავნეს.

ექსპერიმენტის ფარგლებში, რომელიც უკვე ერთი თვეა მიმდინარეობს, მეცნიერებმა წარმატებით მოახერხერს დედამიწიდან ფოტონის ტელეპორტირება მოძრავ თანამგზავრზე, რომელიც 500 კმ-ზე მეტით იყო დაშორებული.

ფოტონმა , რეკორდული, დაახლოებით, 500 კილომეტრი გადალახა და კვანტური კომუნიკაციისთვის განკუთვნილ პირველ თანამგზავრ "მო-ცზიზე" მოახდინა ტელეპორტაცია.

ტელეპორტაცია სხეულის სივრცის ერთი წერტილიდან მეორეში ფიზიკური გადაადგილების გარეშე გადაცემას ეწოდება

კვანტური ტელეპორტაცია წარმოადგენს ერთი ობიექტის კვანტური თვისებების დაშორებულ ობიექტზე გადაცემის მეთოდს რაც მიიღწევა ამ ობიექტებს შორის კლასიკური კომუნიკაციის საშუალებით კვანტური გადაჯაჭვულობის მომზადების გამოყენებით.

ის კვანტური დახლართულობის ფენომენს ეფუძნება, როდესაც ორი კვანტური ობიექტი - ამ შემთხევაში, ორი ფოტონი - ერთდროულად და ერთსა და იმავე ადგილას იქმნება და ერთნაირ ტალღურ ფუნქციებს იძენს. იმ შემთხვევაშიც კი, თუ ამ ორ ობიექტს ერთმანეთს დავაშორებთ, კავშირი მათ შორის შენარჩუნდება და ერთი ობიექტის ცვლილება მეორე ობიექტის მდგომარეობაზეც აისახება.