სეულის ეროვნული უნივერისტეტის მკვლევარებმა მთავრობის მიერ დაფინანსებული კვლევის ფარგლებში, აშშ-ის ეროვნულ არქივში მასალები აღმოაჩინეს, რომლებიც იაპონელი ჯარისკაცების მიერ სამხრეთკორეელი ქალების სექს მონებად გამოყენებას ადასტურებს.

გავრცელდა კორეელი ქალების იშვიათი ფოტოები, რომლებიც იძულებულები იყვნენ, მეორე მსოფლიო ომის დროს, იაპონელ სამხედროებს ბორდელში მომსახურებოდნენ.

სექსუალურ მონებს ე.წ. კომფორტ ქალებად მოიხსენიებდნენ.

კადრები ამერიკელი ჯარისკაცის მიერ არის გადაღებული 1944 წელს არის გადაღებული.

18 წამიან ვიდეოში, 7 ფეხშიშველი ქალია ასახული, რომლებსაც იუნანის პრონივნციაში ჩინელი ჯარისკაცები კითხავენ.

კორეა 1910 წლიდან 1945 წლამდე იაპონიის კოლონიას წარმოადგენდა. გავრცელებული ცნობით, იაპონელი ჯარისკაცები სამხრეთ კორეელ ქალებს იტაცებდნენ და მათ სექსუალურ მონებად აქცევდნენ.

ვიდეოზე ასახული ქალები აშშ-ისა და ჩინეთის სამხედრო ძალებმა იპოვეს. ვიდეოზე 2 ქალიც აღმოჩნდა, რომლებიც ადრე „კომფორტ ქალების“ ერთერთ ფოტოზე იყო დაფიქსირებული.

„სამხრეთ კორეას არ გააჩნია საკუთარი მონაცემები კომფორტ ქალებზე, ამიტომაც ამერიკულ და იაპონურ მონაცემებს ვეყრდნობით“ - განაცხადა მკვლევართა ჯგუფის ხელმძღვანელმა.

სამხრეთ კორეის განცხადებით, აღნიშნული პრაქტიკის მსხვერპლი დაახლოებით 200 000 ქალი გახდა, რაც ამ დრომდე რჩება ქვეყნებს შორის დაძაბულობის საგნად.

2015 წელს , მთავრობებს შორის შეთანხმება შედგა. იაპონიამ ბოდიში მოიხადა და დაადასტურა მზადყოფნა, გამოეყო 1 მილიარდი იენი (6.86 მილიონი დოლარი) სამხრეთკორეული ფონდისთვის, რომელიც დაზარელებულ ქალებსა და მათ ოჯახებს ეხმარება.

თუმცა, საკითხი ჯერჯერობით მოგვარებული არ არის, ვინაიდან რამდენიმე „კომფორტ ქალი“ ჯერ კიდევ ცოცხალია და ისინი შეთანმხების წინააღმდეგ გამოვიდნენ. ქალები პირადად იაპონიის პრემიერმ სინძო აბესგან მოითხოვენ ბოდიშის მოხდას.