ნაომი კემპბელი და ქეით მოსი ბრიტანულ Vogue-ში იმუშავებენ

შოუ ბიზნესი - 13:44, 10 Jul, 2017

3230

ბრიტანული ვოგი ახალი მთავარი რედაქტორის ხელმძვანელობით საქმიანობას აგვისტოდან დაიწყებს.

ედვარდ ენინფული თავის ახალ პოზიციას სათავეში პირველი აგვისტოდან ჩაუდგება.

მანამ კი ცნობილი გახდა, რომ ბრიტანული ვოგის სტაფს, ლეგენდარული სუპერმოდელები, ნაომი კემპბელი და ქეით მოსი შეუერთდებიან. მათთან ერთად იმუშავებს ფილმ 12 Years a Slave-ის რეჟისორი სტივ მაქუინიც.

ენინფულის მიერ გავრცელებულ განცხადებაში ნათქვამია, რომ ნაომი, ქეითი და სტივი რედაქტორის თანაშემწეები იქნებიან. ბრიტანული ვოგის ბორდს შეუერთდება ასევე ამერიკული ვოგის ყოფილი შემოქმედებითი ხელმძღვანელი გრეის კოდინგტონი.

„ძალიან ბედნიერი ვარ, რომ ქეითი, ნაომი, სტივი და გრეისი ჩვენთან თანამშრომლობას ახალი ამპლუით აპირებენ. ორი ყველაზე დიდი საერთაშორისო გავლენის მქონე სუპერმოდელების, ნაომისა და ქეითის წვლილი დღევანდელ მოდაში, უზარმაზარია. ცნობილი კინემატოგრაფის სტივისა და გრეისის ხედვები, ჟურნალს ხელოვნების მიმართულებით მნიშვნელოვან სარგებელს მოუტანს“ - ამბობს ედვარდი განცხადებაში.

შეგახსენებთ, ედვარდ ენინფული პირველი მამაკაცია, რომელმაც ბრიტანული ვოგის 100 წლიან ისტორიაში , მთავარი რედაქტორის თანამდებობა დაიკავა.