ბრიტანული მუსიკალური ბენდი Coldplay ფანებისთვის ოცნებების ასრულებას კვლავ განაგრძობს.

ამჯერად, ევროტურნეს ფარგლებში ქოლდფლეის კონცერტი დუბლინში ჩატარდა.

83 000 მსმენელს შორის, შეზღუდული შესაძლებლობების მქონე რობიც იყო, რომელიც მისმა მეგობრებმა ეტლით ხელში აიყვანეს, რათა მას სცენა უკეთ დაენახა.

რობი ქოლდფლეის სოლისტმა , კრის მარტინმა შეამჩნიდა და ის სცენისკენ იხმო.

სცენამდე მისვლაში ბიჭს კონცერტზე მყოფი ხალხი დაეხმარა, ისე რომ ის მიწაზე არ დაუსვამთ. სცენაზე ასვლაში კი რობს კრისი დაეხმარა, კომპოზიციის შესრულებაში დახმარებაც სთხოვა და სიმღერისას ახსენა კიდეც.

ემოციური ვიდეო ქოლდფლეიმ ფეისბუკის ოფიციალურ გვერდზე ატვირთა.