სტამბულში საპროტესტო აქცია "მარში სამართლიანობისათვის" მიმდინარეობს. სოციალური ქსელების მეშვეობით ოპოზიცია აქციის ამსახველ ფოტოებს ავრცელებს და აცხადებს, რომ მასში 2 მილიონამდე ადამიანი მონაწილეობს. აქცია, რომელიც რამდენიმე დღის წინ ანკარაში დაიწყო, დღეს სტამბულში სრულდება. დემონსტრანტებმა ამ ხნის განმავლობაში 250 მილი მანძილი გაიარეს.

"მარში სამართლიანობისათვის" ოპოზიციური პარტიის ლიდერის, ქემალ კილიკდაროღლუს ერთკაციანი პროტესტიდან, მასობრივ აქციაში გადაიზარდა. მან საკუთარი პარტიის წევრის დაპატიმრების შემდეგ პირობა დადო, რომ ანკარიდან სტამბულამდე ფეხით ჩავიდოდა. მის მსვლელობას ასიათასობით ადამიანი უერთდებოდა. აქციის მონაწილეები თურქეთის პრეზიდენტის რეჯეპ ტაიპ ერდოღანის პოლიტიკას აკრიტიკებენ და აცხადებენ, რომ თურქეთი დემოკრატიული სახელმწიფო აღარაა. "ჩვენ ამას არ მივიღებთ," - აცხადებს კილიკდაროღლუ.