აშშ-მ და რუსეთმა სირიაში ცეცხლის შეწყვეტის შესახებ შეთანხმებას მოაწერეს ხელი

მსოფლიო - 14:28, 08 Jul, 2017

1838

აშშ-მ და რუსეთმა სირიის სამხრეთ დასავლეთში ცეცხლის შეწყვეტის შესახებ შეთანხმებას მოაწერეს ხელი. შეთანხმება ტრამპისა და პუტინის შეხვედრის შემდეგ გაფორმდა. ეს აშშ-ს ახალი ადმინისტრაციის პირველი ცდაა სირიაში ექვსწლიანი სამოქალაქო ომის შეწყვეტის მიმართულებით. შეთანხმებაში იორდანიის ხელისუფლებაც მონაწილეობს. ცეცხლის შეწყვეტის რეჟიმი 9 ივლისს დამასკოს დროით 12 საათზე ამოქმედდება.

აშშ-ს სახელმწიფო მდივნის, რექს ტაილერსონის განცხადებით, ეს გადაწყვეტილება სირია-იორდანიის საზღვარზე ძალადობის შეწყვეტას შეუწყობს ხელს, რაშიც აშშ-ს მოკავშირე იორდანია განსაკუთრებულადაა დაინტერესებული.

"ეს სირიის საომარი მოქმედებების ფრონტის ყველაზე რთული რეგიონია. ამასთან, ეს პირველი საკითხია, რომელიც იმას მიანიშნებს, რომ სირიაში აშშ-სა და რუსეთს ერთობლივი მოქმედებები სავსებით შესაძლებელია," აცხადებს ტაილერსონი.

ახლა დღის წესრიგში დგას საკითხი, შესრულდება თუ არა ეს შეთანხმება სირიის ორ დაპირისპირებულ მხარეების მიერ.

შეთანხმებას რუსეთის საგარეო საქმეთა მინისტრი სერგეი ლავროვიც გამოეხმაურა და აღნიშნა, რომ ზავის პირობების ,ომიტორინგს რუსული სამხედრო პოლიციას გაუწევს კონტროლს, თუმცა ტაილერსონი აცხადებს, რომ კონტოლის ფუნქციების განხორციელებაზე მოლაპარაკებები ჯერ კიდევ გრძელდება.

ექსპერტების შეფასებით, მიუხედავად გარკვეული მოუგვარებელი საკითხების არსებობისა, ორივე მხარის მიერ ცეცხლის შეწყვეტის შეთანხმების შესახებ განცხადების გაკეთება, პრეზიდენტების შეხვედრის წარმატებული შედეგის ჩვენების გამო მოხდა.