ბიოლოგებმა აღმოაჩინეს იმუნური უჯრედების ახალი ტიპი, რომლებიც ვირუსებს უცნაური წესით ებრძვიან. ეს უჯრედები თავად ავადდებიან ვირუსით, შემდეგ იღუპებიან და სხვა უჯრედებს გადასცემენ ინფორმაციას ვირუსის შესახებ. სტატია სამეცნიერო ჟურნალ Science Immunology-ში გამოქვეყნდა.

"ჩვენ აღმოვაჩინეთ, რომ არსებობს დენდრიტული უჯრედების განსაკუთრებული ტიპი, რომელშიც ვირუსი ადვილად შედის და რომელიც აქტიურად წარმოშობს ვირუსული ნაწილაკების ფრაგმენტებს. დენდრიტული უჯრედების მეორე ტიპი იტაცებენ ამ ფრაგმენტებს და მათი მეშვეობით Т-უჯრედებს "ასწავლის", თუ როგორ უნდა ებრძოლონ ამ ვირუსს. "სამუშაოს განაწილების" ეს პრინციპი ხსნის იმუნიტეტის მუშაობის პროინციპს და რატომ გვიცავს ვაქცინები ვირუსებისაგან," - წერს ამერიკელი მეცნიერი კაროლინა პალუცკა.

ეს დენდრიტული უჯრედები ვირუსისაგან თავდაცვის ე.წ. პირველ ხაზს წარმოადგენენ. მათი მეშვეობით ორგანიზმი ებრძვის მისთვის უცნობ ბაქტერიებს, ისინი სისხლძარღვების ლორწოვან გარსში არსებობენ და პირველებს აქვთ შეხება უცნობ ბაქტერიულ და ვირუსულ ინფექციასთან.

ისინი შთანთქავენ და სწავლობენ ვირუსულ ნაწილაკებს და აუცილებელ ინფორმაციას გადასცემენ Т-უჯრედებს, რომლებიც შესაბამის ანტისხეულებს გამოიმუშავებენ.

არსებობს ვირუსის მინიმუმ ერთი ტიპი - შიდსის ვირუსი, რომელსაც შეუძლია დენდრიტულ უჯრედებში შეაღწიოს და გამოიყენოს ისინი ორგანიზმში მოგზაურობისა და ანტიპრეპარატებისაგან თავდაცვისათვის. სწორედ ამ პროცესის შესწავლის დროს მეცნიერებმა აღმოაჩინეს, რომ ჩვეულებრივ დენდრიტულ უჯრედებთან ერთად არსებობს "კამიკაძე უჯრედები".

ეს უკანასკნელნი არ ეწინააღმდეგებიან დაავადებას, პირიქით, ხელს უწყობენ მათ უჯრედის შიგნით განვითარებაში და გამოყოფენ ვირუსული ნაწილაკების ფერმენტებს. შემდეგ ისინი კვდებიან, ნაწილებად იშლებიან და გამოყოფენ რროგორც სრულფასოვან, ასევე დაზიანებულ ვირუსებს. მათ იტაცებენ ჩვეულებრივი დენდრიტული უჯრედები, აანალიზებენ მათ და ინფორმაციას Т-უჯრედებს გადასცემს, რომელიც ანტისხეულებს გამოიმუშავებს და მთელ იმუნურ სისტემას ბრძანებას აძლევს შეუტიოს ვირუსს.