მსოფლიო ჯანდაცვის ორგანიზაციაში აცხადებენ, რომ გონორეას მკურნალობა ბოლო ხანებში ძალიან გართულდა. სექსუალური კავშირით გადამდები ეს დაავადება ანტიბიოტიკების მიმართ უფრო და უფრო მდგრადი გახდა.

ორგანიზაციის წარმომადგენლის განცხადებით, იაპონიაში, საფრანგეთსა და ესპანეთში დაფიქსირებულია სამი შემთხვევა, როდესაც ადამიანები განუკურნებელი გონორეით დაავადდნენ.

გონორეას შეუძლია დააზიანოს გენიტალიები, სწორი ნაწლავი და ყელი. სწორედ ეს უკანასკნელი იწვევს მედიკოსების განსაკუთრებულ შეშფოთებას. როგორც გაირკვა, ანტიბიოტიკებმა შეიძლება გამოიწვიონ ხორხის უკანა კედელზე გონორეის განითარება.

"როდესაც თქვენ იყენებ ანტიბიოტიკს ყელის ანთების სამკურნალოდ, იგი ერევა Neisseria-ს (Neisseria gonorrhoea - გონორეის გამომწვევ ბაქტერიას), რაც იწვევს ამ ბაქტერიის მკურნალობისადმი წინააღმდობის გაწევის უნარის გაძლიერებას," - აცხადებს მსოფლიო ჯანდაცვის ორგანიზაციის წარმომადგენელი.

მათი განცხადებით, ორალური სექსის დროს გონორეის ბაქტერიები ხვდებიან მათთვის ხელსაყრელ გარემოში, რამაც შეიძლება დაავადების სუპერგონორეაში გადაზრდა გამოიწვიოს, რომელიც ძალიან რთულად ექვემდებარება განკურნებას.

ექიმები აცხადებენ, რომ სიტუაციას ართულებს ის ფაქტი, რომ შიდსით დაავადების რისკის შემცირების გამო, ადამიანები სულ უფრო ნაკლებად იყენებენ პრეზერვატივს.

აღსანშნავია, ასევე, რომ აშშ-ში, სტატისტიკური მონაცემების თანახმად, ანტიბიოტიკისადმი გონორეის მდგრადობის გაძლიერება აღინიშნებოდა მამაკაცებს, რომლებიც ერთსქესიანი სექსით არიან დაკავებულები.

წყარო: BBC