კასპის სკოლის დირექტორი მუქარის შემდეგ გულის შეტევით სავადმყოფოში მოხვდა

საზოგადოება - 20:37, 19 Jun, 2013

1047

გამოცემას გუშინ, მეტეხის საჯარო სკოლის დირექტორმა ინტერვიუ მისცა, სადაც აცხადებს, რომ სამეურვეო საბჭოს არჩევნებამდე ერთი დღით ადრე, კასპის რესურსცენტრის შენობაში დირექტორები ინდივიდუალურად ცალკე ოთახში კონკრეტული პიროვნებასთან გამოსაკითხად შედიოდნენ. როგორც შემდეგ აღმოჩნდა, ეს პიროვნება კასპის უშიშროების სამსახურის უფროსი გიორგი გერმისაშვილი იყო.

გეჯაძე შეუძლოდ კასპის არქივის შენობაში გახდა, როგორც არქივის დირექტორი აცხადებს, შეესწრო სატელეფონო საუბარს გოგებაშვილის შვილსა და უცნობ პიროვნებას შორის, რომელიც მეტეხის სკოლის დირექტორის მობილური ტელეფონით შედგა.

,,რამდენიმე წუთის შემოსული იყო ჩვენთან, როდესაც ქალბატონი მანანა ცუდად გახდა. მაშინვე გამოვუძახეთ სასწრაფოს. მორიგე ექიმმა წვეთოვანები აქვე დაუდგა და შემდეგ საკაცით ჩაიყვანეს სასწრაფოს მანქანამდე. სიმართლე გითხრათ, ჩემთან მას გუშინ 18 ივნისს მიცემული ინტერვიუს შესახებ არაფერია უთქვია. ერთი შევესწარი იმას, რომ მის მობილურიზე დარეკა ვიღაცამ, რომელსაც პასუხი შვილმა გასცა. ის ჩემთვის უცხო პიროვნებას ეუბნებოდა, რომ დაენებებინათ თავი მისი დედისთვის" – აცხადებს არქივის დირექტორი.
მანანა გეჯაძე არქივში მისვლამდე კასპის რესურცენტრის შენობაში იმყოფებოდა. რესურცენტრის უფროსის მოადგილე რუსუდან მიგრიაული აცხადებს, რომ არ იცის ჰქონდა თუ არა მეტეხის სკოლის დირექტორს რაიმე საუბარი რესურცენტრის უფროსთან, იქ ყოფნისას ის თავს კარგად გრძნობდა. თავად გეჯაძეს კომენტარი არ გაუკეთებია.