2 Pac-ის ემოციური წერილი მადონას, რომელშიც აღიარებს, რომ მას კანის ფერის გამო დაშორდა

ეს საინტერესოა - 13:40, 06 Jul, 2017

17857

ბულვარულმა გამოცემამ TMZ რეპერ 2 Pac-ის წერილი გამოაქვეყნა, რომელიც მან გარდაცვალებამდე 18 თვით ადრე მადონას გაუგზავნა.

თუფაქი და მადონა ერთმანეთს 1993 წელს ხვდებოდნენ, თუმცა უცნობია, რამდენი ხანი გაგრძელდა მათი ურთიერთობა. მაშინ თუფაქი 22 წლის, მადონა კი 37 წლის და უკვე მსოფლიო დონის მომღერალი იყო.

საკმაოდ გულწრფელ წერილში , რომელიც რეპერმა მადონას 1995 წლის 15 იანვარს, ციხიდან გაუგზავნა, წერს, რომ მას იმიტომ დაშორდა, რომ თეთრკანიანია.

„შენს გვერდით შავკანიანი მამაკაცის გამოჩენა, შენს კარიერას საფრთხეს არ უქმნის, პირიქით უფრო საინტერესოდ და ღია ადამიანად წარმოგაჩენს. თუმცა მე, თეთრკანიანი შეყვარებულის გამო, შესაძლოა თაყვანისმცემლებმა ზურგი შემაქციონ, მე კი ამის ძალიან მეშინია. შენთვის გულის ტკენა არასოდეს მიფიქრია. შეგიძლია გამიგო ეს?“ - წერს თუფაქი წერილში.

ემოციურ წერილში რეპერი აღნიშნავს, რომ ის ძალიან ბედნიერია მადონასთან ურთიერთობით, რომელმაც ის უკეთესი გახადა.

წერილში თუფაქი საკუთარი გრძნობებისა და დამოკიდებულებების შესახებ ღიად საუბრობს და მადონასთან ურთიერთობის დასრულების გადაწყვეტილების კიდევ ერთ მიზეზს ასახელებს.

„გთხოვ, გამიგო. ჩემთვის, მცირე გამოცდილების მქონე ახალგაზრდა მამაკაცისთვის, რთულია მსოფლიოს სექსსიმბოლოს გვერდით ყოფნა“ - წერს რეპერი.

თუფაქი მადონას მეგობრობას სთავაზობს და აღნიშნავს, რომ მასთან ურთიერთობა ერთერთი ყველაზე ღირებული რამ არის, რაც მის ცხოვრებაში ყოფილა და რჩევასაც აძლევს:

„გთხოვ, ფრთხილად იყავი მადონა. ყველა ისეთი კეთილგანწყობილი არ არის, როგორიც ჩანს. არიან ადამიანები, რომელთა გულები შურითა და ბოროტებით არის სავსე.

თუკი რაიმე ინფორმაციის ჩემთან გზიარება მოგინდება,შეგიძლია ჯეკს დაუკავშირდე და გთხოვ, ეს აუცილებლად გააკეთე, რადგან შესაძლოა, სიკვდილ-სიცოცხლის საკითხი იყოს" - წერს რეპერი.

წერილის ბოლოს კი კიდევ ერთ მინაწერს აკეთებს.

„არ ვიცი, რას ფიქრობ ჩემთან შეხვედრაზე, მაგრამ თუ ამას შენს გულში გადაწყვეტ, შენთან პირისპირ საუბარს ვისურვებდი. სასაცილოა, მაგრამ ამ გამოცდილებამ მასწავლა, რომ დრო არ უნდა გავფლანგოთ“ - წერს რეპერი.

წერილი, ივლისის ბოლოს აუქციონზე გაიყიდება და მისი საწყისი ფასი $100 ათასი დოლარი იქნება.

2015 წელს მადონამ ერთ-ერთ ინტერვიუში მისი და თუფაქის რომანზე პირველად ისაუბრა. მადონასა და თუფაქს რომანი რეპერის მკვლელობამდე სამი წლით ადრე ჰქონდათ.

1996 წლის 7 სექტემბერს 25 წლის თუფაქს ოთხჯერ ესროლეს ლას-ვეგასში, ფლამინგო-როუდის და კოვალ-ლეინის გზაჯვარედინზე. იგი გადაიყვანეს სამხრეთ ნევადის უნივერსიტეტის სამედიცინო ცენტრში, სადაც ექვსი დღის შემდეგ გარდაიცვალა.