მეცნიერებმა "ლათინური ამერიკის კლეოპატრად" ცნობილი ლედი კაოს სახე აღადგინეს (ფოტო)

მსოფლიო - 14:53, 05 Jul, 2017

1954

პერუელმა მეცნიერებმა 3D ფორმატში აღადგინეს უძველეს პოლიტიკურ და რელიგიურ ლიდერად ცნობილი, ლედი კაოს სახე.

ლედი კაო, რომელსაც "ლათინური ამერიკის კლეოპატრადაც" მოიხსენებიენ, 1 700 წლის წინ გარდაიცვალა და ჩრდილოეთ პერუში არსებულ მოჩეს კულტურას განეკუთვნება.

მისი ნეშტი 2006 წელს დანგრეულ პირამიდაში აღმოაჩინეს.

ნეშტის შესწავლის შედეგად დადგინდა, რომ ის დაახლოებით 20 წლის ქალი იყო, რომელიც სავარაუდოდ მშობიარობისას ან ორსულობისას გარდაიცვალა. მისი ფეხები, ფეხისგულები და სახე რიტუალური სიმბოლოებით - გველებითა და ობობებით იყო მოხატული.

თავის ქალის სტრუქტურისა და ნეშტის ნარჩენების გაანალიზების შემდეგ, მეცნიერებმა მისი სახის აღდგენა მოახერხეს.

ლედი კაო გვირგვინით იყო დაკრძალული, ოქროსა და სპილენძის ქანდაკებებს შორის. სამარხში , ძვირფასეულობასთან ერთად, საბძროლო იარაღებიც აღმოაჩინეს. სამარხის სიდიდისა და იქ არსებული სიმდიდრის თანახმად, მეცნიერებმა ივარაუდეს, რომ ის ქურუმი ან თუნდაც პოლიტიკური მმართველი შეიძლებოდა ყოფილიყო.

ლედი კაოს ნეშტის აღმოჩენამდე, მიიჩნეოდა, რომ მოჩეს კულტურაში მაღალი იერარქიის თანამდებობებს მხოლოდ მამაკაცები იკავებდნენ.