ვაშინგტონი: ჩრდილოეთ კორეა არა მხოლოდ აშშ-ს, მთელ მსოფლიოს უქმნის საფრთხეს

მსოფლიო - 12:37, 05 Jul, 2017

2956

ამერიკის შეერთებული შტატები ჩრდილოეთ კორეას მკაცრი ზომებით ემუქრება.

აშშ-ის სახელმწიფო დეპარტამენტის მიერ გამოქვეყნებულ განცხადებაში ნათქვამია, რომ ჩრდილოეთ კორეის მიერ საკონტინენტთაშორისო ბალისტიკური რაკეტის გამოცდა შეერთებული შტატებისა და მსოფლიოსთვის საფრთხეს წარმოადგენს.

აშშ-ის სახელმწიფო მდივნის, რექს ტილერსონის განცხადებით, ვაშინგტონი ჩრდილოეთ კორეის მიერ ბირთული იარაღის შექმნას არ დაუშვებს.

შეგახსენებთ, ჩრდილოეთ კორეამ მორიგი ბალისტიკური რაკეტა გამოსცადა, რომელიც იაპონიის ეკონომიკურ ზონაში ჩავარდა.

სამხრეთ კორეის არმიის გენერალური შტაბის ჰამცხადებით, რაკეტის ფრენის ხანგძლივობა 40 წუთი იყო და საბოლოოდ იაპონიის ზღვაში ჩავარდა.

იაპონიის უსაფრთხოების სამსახურმა, იაპონიის ზღვაში მყოფი ეკიპაჟი წინასწარ გააფრთხილა ბალისტიკური რაკეტების ჩამოვარდნის შესაძლებლობის შესახებ.

ამერიკელმა და სამხრეთ კორეელმა სამხედროებმა ჩრდილოეთ კორეის მიერ ბალისტიკური კარეტის გამოცდის საპასუხოდ, ერთობლივი სწავლება ჩაატარეს.

ბოლო დროს ფხენიანმა გაახშირა ბირთვული ცდები და რაკეტების გამოცდა, მიუხედავად გაეროს სანქციებისა და პროტესტისა.

მარტის დასაწყისიდან ჩრდილოეთ კორეამ ბალისტიკური რაკეტები უკვე მეოთხედ გამოსცადა და განაცხადა, რომ ეს პასუხია, აშშ-იაპონიის ერთობლივ წვრთნებზე.

16 აპრილს ჩრდილოეთ კორეამ ბალისტიკური რაკეტის წარუმატებელი გაშვება განახორციელა, რის შემდეგაც აშშ-მ რეგიონში სამხედრო გემები და წყალქვეშა ხომალდები გაგზავნა.