უცხოელ დიპლომატებთან შს მინისტრის შეხვედრა რამდენიმე წუთის წინ დასრულდა. მინისტრის ინფორმაციით, მან სამეგრელოს სამალავებში აღმოჩენილი კადრები დიპლომატებს გადასცა და იმ ბრალდებებსაც გასცა პასუხი, რაც ოპოზიციის მხრიდან ისმის.

შს მინისტრმა კიდევ ერთხელ დაადასტურა, რომ კადრები, მათი მძიმე შინაარსიდან გამომდინარე, არ გასაჯაროვდება.

შს მინისტრთან შეხვედრას არ ესწრებოდა აშშ-ის ელჩი საქართველოში რიცარდ ნორლანდი. შეხვედრაზე აშშ-ის საელჩო სპეციალისტებით იყო წარმოდგენილი.

დახურულ შეხვედრას ესწრებოდა საქართველოში აკრედიტებული დიპლომატიური კორპუსის 50-მდე წარმომადგენელი, რომელთა შორის არიან ევროკავშირის ელჩი ფილიპ დიმიტროვი, ასევე ლატვიის, იტალიის და ჰოლანდიის ელჩები. შეხვედრაზე იმყოფებოდნენ ევროკვაშირის მონიტორინგის მისიის წარმომადგენლებიც.