უმრავლესობამ ერთადერთი აქტივი დაკარგა - "ივანიშვილის გარეშე ამომრჩეველი "ოცნებას" ხელისუფლებაში არ დატოვებს"

პოზიცია - 16:06, 03 Jul, 2017

12826

ექსპერტი გია ხუხაშვილი აცხადებს, რომ "თუ ამომრჩეველს გაუჩნდა განცდა, რომ ივანიშვილის "ქართული ოცნებისკენ" გახედვაც არ უნდა ხელისუფლება უახლოეს პერიოდში შეიცვლება.

როგორც "ნიუპოსტს" ხუხაშვილმა განუცხადა, "ქართული ოცნების" ერთადერთი აქტივი ყოფილი პრემიერ-მინისტრია.

"ჩვენ რაც არ უნდა ვისაუბროთ, იმის შესახებ თუ რატომ არ მივიდა ბიძინა ივანიშვილი კახი კალაძის წარდგენაზე, თუ ვიღაცას სურს ეს ფაქტი აღიქვას ისე, რომ ივანიშვილმა ხელები დაიბანა და ოცნებისკენ გახედვა არ უნდა ეს ჩვენი მხრიდან მაინც შეთქმულების თეორიის განვითარება იქნება. დანარჩენი კი მართლა მისი გადასაწყვეტია, სადაც უნდა იქ წავა... მაგრამ თუ ამომრჩეველმა ჩათვალა, რომ ბიძინა ივანიშვილი ქართულ ოცნებას გაემიჯნა, ამ შემთხვევაში ხელისუფლებას ეს ძალიან ძვირი დაუჯდება - ხელისუფლების დაკარგვის ტოლფასი იქნება. ერთადერთი აქტივი ქართულ ოცნებაში ეს ბიძინა ივანიშვილია. მეტი აქტივი, ადამიანებს რომლებიც მოკლებულები არია, როგორც გადაწყვეტილების მიღების უნარებს, ასევე გადაწყვეტილების საკუთარ თავზე აღების უნარებს, ისინი ამ ძალაუფლებას ვერ შეინარჩუნებენ. შეიძლება ივანიშვილი უყვარდეთ ან არ უყვარდეთ, მაგრამ ამომრჩეველი მას როგორც ძალის ცენტრს ისე უყურებს. მის გარეშე არამგონია ამომრჩეველმა ოცნება ხელისუფლებაში დატოვოს"- განაცხადა "ნიუპოსტთან" გია ხუხაშვილმა.