ემანუელ მაკრონის მკვლელობა საფრანგეთის ეროვნულ დღესასწაულზე იგეგმებოდა

მსოფლიო - 15:35, 03 Jul, 2017

14233

საფრანგეთში ულტრა-მემარჯვენე იდეოლოგიის 23 წლის მამაკაცი დააკავეს, რომელიც რესპუბლიკის პრეზიდენტის ემანუელ მაკრონის მკვლელობას გეგმავდა. ინფორმაციას ამის შესახებ ფრანგული მედია ავრცელებს.

მამაკაცს მაკრონის მკვლელობა საფრანგეთის ეროვნულ დღესასწაულზე 14 ივლისს ქონდა დაგეგმილი. მან ინტერნეტში განცხადება გაავრცელა იმასთან დაკავშირებით, რომ თავდასხმისთვის კალაშნიკოვის ტიპის იარაღის შეძენა სურდა. როდესაც მასთან პოლიციელები მივიდნენ, ის სამართალდამცავებს სამზარეულოს დანით დაემუქრა. ცივი იარაღი იქნა აღმოჩენილი მის ავტომობილშიც.

დაკავების შემდეგ მამაკაცმა განაცხადა, რომ საფრანგეთის პრეზიდენტი მკვლელობა 14 ივლისს, ელისეის მინდვრებზე მიმდინარე აღლუმისას , პოლიტიკური ჟესტი იქნებოდა. ის ასევე აცხადებდა, რომ მას სურდა თავდასხმა „შავკანიანებზე, არაბებზე, ებრაელებზე და ჰომოსექსუალებზე“. მამაკაცი თავს „ნაციონალისტს“ უწოდებს, ის უმუშევარია, არასტაბილური ფსიქიკის მქონე, თუმცა პასუხისმგებლობას იღებს თავის განცხადებებზე. ის ნაციონალისტური თვალსაზრისით ჩადენილი ტერაქტების მხარდაჭერისთვის ერთხელ უკვე არის ნასამართლევი 2016 წელს.