ნიკა რურუა: ბაგრატის ტაძრის განხილვაზე ქართულმა დელეგაციამ ერთი დღით დააგვიანა

საზოგადოება - 12:26, 19 Jun, 2013

1585

,,იუნესკოს 37-ე სესიამ ბაგრატი დატოვა კულტურული მენმკვიდრეობის სიაში და ეს ძალიან სასიხარულოა, ვინც ამტკიცებს საპირისპიროს ეშლება და არ გამიკვირდება ასე რომ იყოს, რადგან ჩვენმა დელეგაციამ საკითხის განხილვაზე ერთი დღით დააგვიანა", - განაცხადა ნიკა რურუამ.

ამ პრეტენზიას არ იზიარებს კულტურის მინისტირს მოადგილე, მისი თქმით, საკითხი განხილვის გარეშე დამტკიცდა, კულტურის სამინსიტროს ბოლო ინფორმაციით ბაგრატი კულტურის მსოფლიო მემკვიდრეობის ნუსხაში აღარ არის, ეს გადაწყვეტილება კამბოჯაში იუნესკოს კომიტეტის სესიაზე მიიღეს.

,,რეზოლუცია, რომელიც შეეხებოდა ბაგრატისა და გელათის საკითხს, დამტკიცდა განხილვის გარეშე, გაკეთებულია უარყოფითი შეფასება, რომელიც ამბობს, რომ ბაგრატმა დაკარგა თვით,ყოფადობა, და დამტკიცდა, რომ ბაგრატი ამოღებული იქნება მსოფლიო კულტურული მემკვიდრეობის ნუსხიდან", - აცხადება კულტურის მინისტრის მოადგილე მარინა მიზანდარი.

ბაგრატისგან განსხვავებით იუნესკოს მფარველობის ქვეშ რჩება გელათი და მცხეთა, თუმცა მცხეთის ისტორიულ ნაწილთან დაკავშირებთ, მომავალი წლის თებერვლამდე საქართველოს კონკრეტული ვალდებულებების შესრულება მოუწევს.