კომიკოსი მსახიობის ტრაგედია გრძელდება - ჯიმ კერი გარდაცვლილი შეყვარებულის დედისგან ფულს ითხოვს

ეს საინტერესოა - 13:04, 01 Jul, 2017

46758

ჰოლივუდის მსხიობი, ჯიმ კერი გარდაცვლილი ყოფილი მეგობარი გოგონას, კატრიონა უაიტის დედისგან ფულს ითხოვს, იმ შემთხვევაში, თუკი სასამართლო მსახიობს გაამართლებს.

საქმე იმაშია, რომ კატრიონას დედა მსახიობს გოგონას თვითმკვლელობამდე მიყვანაში ადანაშაულებს და სასამართლოშიც უჩივლა.

მსახიობის თქმით, იმ შემთხვევაში თუ გარდაცვლილი გოგონას დედა საქმეს წააგებს, ქერი მისგან 372 ათას დოლარს ითხოვს.

გარდა ამისა, ბრიჯიტ სვიტმენის მტკიცებით, მსახიობმა გოგონას სქესობრივი გზით გადამდები დაავადებები გადასდო და როდესაც კატრიონას ავადმყოფობის შესახებ შეიტყო, აიძულა, აღნიშნული ინფორმაცია საიდუმლოდ შეენახა.

გარდაცვლილი გოგონას დედის თქმით, კატრიონამ ანალიზების პასუხები 2013 წელს მიიღო

შეგახსენებთ, კატრიონა უაითის ყოფილმა ქმარმა უაით მარკმა ჯიმ კერის სასამართლოში უჩივლა და განაცხადა, რომ კერი გოგონას ძლიერმოქმედი პრეპარატებით ამარაგებდა.

კატრიონას ექსქმარმა, რომელიც უაიტთან გაშორებული იყო, თუმცა ოფიციალურად კვლავ მის ქმრად ითვლება, ჯიმ კერის სასამართლოში უჩივლა. მისი თქმით, მსახიობმა ცნობადობა და გავლენა გამოიყენა იმისთვის, რომ აკრძალული მედიკამენტები შეყვარებულისთვის მიეწოდებინა.

სარჩელში აღნიშნულია, რომ აბების შეფუთვაზე კერის ფსევდონიმი, „მეფე არტური“ ეწერა.

ამასთან, პოლიციამ კატრიონას ტელეფონში შეტყობინებები აღმოაჩინა, სადაც ის კერის ეკითხება, თუ სად დევს ტკივილგამაყუჩებელი აბები.

მსახიობის ადვოკატების განცხადებით, ჯიმ კერის წინააღმდეგ შეტანილი სარჩელები ერთადერთ მიზანს ემსახურება და ეს ფულის გამოძალვაა.

ჯიმ ქერი და კატრიონა უაიტი 2012 წლიდან ხვდებოდნენ, თუმცა რამდენიმე თვის შემდეგ დაშორდნენ. 2 წლის შემდეგ მათ კვლავ გააგრძელეს ურთიერთობა. გასული წლის სექტემბერში წყვილი ერთმანეთს კვლავ დაშორდა, რის შემდეგაც კატრიონამ თვითმკვლელობით დაასრულა სიცოცხლე.

სამედიცინო ექსპერტიზის შედეგად ცნობილი გახდა, რომ კატრიონას გარადაცვალება დიდი რაოდენობით სამედიცინო პრეპარატების - საძილე , ადრენალინის აბებისა და ტკივილგამაყუჩებლებისა და ბეტა-ბლოკერების მიღებას გამოიწვია.

როგორც დასავლური მედია წერს, კატრიონამ ჯიმ კერისთან დაშორება ვერ გადაიტანა და სიცოცხლე თვითმკვლელობით დაასრულა. რამდენიმე დღეში კატრიონას ბოლო წერილი გავრცელდა, რომელიც სიკვდილამდე დაწერა.

„მე სამი დღე გავატარე მარტოობაში. ამ დროს შენ ჩემთან ერთად არ იყავი. მე შემიძლია გავაგრძელო ცხოვრება გატეხილი გულით, მაგრამ ამისთვის ძალა არ მყოფნის. შევეცადე მომეცა შენთვის საუკეთესო, რაც გამაჩნდა. სამწუხაროდ, ვერ ვერკვევი დამკრძალავ პროცედურებში, მაგრამ ვიცი რომ ყველაფერს სწორად გააკეთებ. შენ ჩემი ოჯახი ხარ. მაპატიე, მე არ ვარ ამ სამყაროსთვის“ – წერს კატრიონა უაიტი გამოსამშვიდობებელ წერილში.