ნაფიცმა მსაჯულებმა ბორის ნემცოვის მკვლელობაში ბრალდებულები დამნაშავედ ცნეს

მსოფლიო - 17:49, 29 Jun, 2017

3195

მოსკოვის საოლქო სამხედრო სასამართლოში, ნაფიცმა მსაჯულებმა რუსი ოპოზიციონერის, ბორის ნემცოვის მკვლელობის საქმეში ბრალდებულები დამნაშავედ ცნეს.

ხუთივე ბრალდებული - ზაურ დადაევი, ანზორ გუბაშევი, შადიდ გუბაშევი, ტემირლან ესკერხანოვი და ჰაზმატ ბახაევი - ორგანიზებული დანაშაულისთვის დამნაშავედ სცნეს.

კითხვაზე - „დასტურდება თუ არა, რომ გუბაშევების, ბახაევისა და ესკერხანობის ( და კიდევ ერთი პირის მიერ, რომელიც გარდაიცვალა) მიერ დაგეგმილი ქმედება (მკვლელობა), დადაევმა განახორციელა“ , 12 ნაფიცი მსაჯულიდან 10-მა დადებითი პასუხი გასცა.

განაჩენის თანახმად, ზაურ დადაევმა , 2015 წლის 27 თებრვალს , ბორის ნემცემს მინიმუმ 6-ჯერ ესროლა და შემთხვევის ადგილიდან მიიმალა.

ორგანიზებული მკლველობისთვის სისხლის სამართლის საქმე აღძრული იყო ვესლან შავანოვის წინააღმდეგაც, რომელიც ზემოთ აღნიშნულ პირებს ეხმარებოდა, მათ შორის იარაღის შეძენაში. შავანოვი, 2015 წლის 7 მარტს, მიდი დაპატიმრების მცდელობისას დაიღუპა.

რუსი ოპოზიციონერი ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენებაც მისცა და განაცხდა, რომ ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. მოგვიანებით, მან ჩვენება შეცვალა, დანაშაული უარყო და განაცხადა, რომ წინასწარ გამზადებულ ჩვენებაზე ხელის მოწერა აიძულეს.

გამოძიების თანახმად, 2015 წლის 27 თებერვალს, დილით 11 საათიდან საღამომდე დადაევი, გუბაშევი და შავანოვი ნემცოვს უთვალთვალებდნენ.

„დაახლოებით, საღამოს 10 საათისთვის, როდესაც ნემცოვი მის მეგობარ ანა დურიცკაიასთან ერთად წითელ მოედანზე გამოვიდა, შავანოვმა და გუბაშვემა დადაევს სიგნალი მისცეს. 23 საათსა და 31 წუთზე კი დადაევმა ნემცოვის მიმართულებით 6 გასროლა განახორციელა“ - ნათქვამია დასკვნაში.

რუსი ოპოზიციონერის მკვლელობის საქმეზე სასამართლო პროცესი 2016 წლის ოქტომბერში დაიწყო და ამ დრომდე გრძელდება.