ერაყის არმიამ ქალაქი მოსული ტერორისტული დაჯგუფება „ისლამური სახელმწიფოს“ მებრძოლებისგან მთლიანად გაათავისუფლა. ამის შესახებ Sky News Arabia ერაყის თავდაცვის უწყებაზე დაყრდნობით იტყობინება.

ერაყის თავდაცვის სამისტროს ცნობით, რადიკალები მოსულის არც ერთ რაიონს არ აკონტროლებენ. ამ დროისთვის ქალაქში გამნაღვითი სამუშაოები მიმდინარეობს.

დღესვე ცნობილი გახდა, რომ ერაყის არმიამ ალ-ნურის მეჩეთის უბანი გაათავისუფლა. ეს სწორედ ის მეჩეთია, რომელიც ISIS-მა რამდენიმე დღის წინ ააფეთქა და სადაც , „ისლამური სახელმწიფოს“ ლიდერმა აბუ ბაქრ ალ-ბაღდადმა ხალიფატის შექმნა გამოაცხადა.

„ისლამურმა სახელწმიფომ“ მოსულზე კონტროლი 3 წლის წინ დაამყარა. ერაყის არმიამ კოალიციურ ძალებთან ერთად ქალაქის გასათავისუფლებლად მასშტაბური ოპერაცია 9 თვის წინ დაიწყო.