რუსი ტურისტების წყვილს თურქეთში მდებარე სასტუმროს გაქურდვაში სდებენ ბრალს. გავრცელებული ინფორმაციით რუსმა ბიზნესმენმა და მისმა მეუღლემ თურქეთის ქალაქ ალანიაში მდებარე სასტუმროდან 14 რულონი ტუალეტის ქაღალდი და ხუთი ლიტრი „ბეილისის“ მოპარვა გადაწყვიტეს, ასევე ნაქურდალ ნივთებში, რომლითაც მათ ორი ჩემოდანი გაავსეს, იყო სასტუმროს ხალათები, პირსახოცები, ჩუსტები, ხილი და ყვავილები, რომლებიც მათ სასტუმროს ეზოდან ფესვებიანად ამოთხარეს.

ქურდობის ფაქტი სასტუმროს სათვალთვალო კამერამ დააფიქსირა, ადმინისტრაციამ რუს ტურისტებს სსასტუმროს დატოვებამდე ჩემოდნების გახსნა მოსთხოვა. ჩემოდნები ნაქურდალი ნივთებით გავსებული აღმოჩნდა. საბოლოოდ რუს ტურისტებს, ზარალის ასანაზღაურებლად 232 დოლარის გადახდა მოუწიათ.