ფეისბუკის მომხმარებელთა რაოდენობამ 2 მილიარდს მიაღწია.

ამის შესახებ სოციალური ქსელის დამფუძნებელმა მარკ ცუკერბერგმა საკუთარ ფეისბუკზე განაცხადა.

„ამ დილით, ფეისბუკ საზოგადოებამ ოფიციალურად შეადგინა 2 მილიარდი ადამიანი.

ჩვენ პროგრესს მივაღწიეთ მსოფლიოს ერთმანეთთან დაკავშირებაში და მოდით, ახლა მსოფლიო კიდევ უფრო დავაახლოვოთ.
ჩემთვის პატივია თქვენთან ამ გზაზე ყოფნა“ - წერს ცუკერბერგი.

მარკ ცუკერბერგმა ფეისბუკი ჰარვარდის საერთო საცხოვრებელში, საკუთარ ოთახში შექმნა და 2004 წელს, სწორედ საერთო საცხოვრებილდან ჩაუშვა მოხმარებაში. იგი მარკ ცუკერბერგმა, თავის კოლეჯის მეგობრებსა და საინფორმაციო მეცნიერების სტუდენტებთან, ედუარდო სავერინსა, დასტინ მოსკოვიცსა და კრის ჰაგისისთან ერთად, ჰარვარდის უნივერსიტეტის სტუდენტობის დროს დააარსა.

მარკს ამ საიტის შექმნის იდეა დაებადა მას შემდეგ, რაც იხილა Phillips Exeter Academy-ში ყოფნის დროს ტრადიცია, რომელსაც სხვა სასწავლებლებშიც იყენებდნენ. ყოველწლიურად ქვეყნდებოდა სახელმძღვანელო, სადაც მოცემული იყო სტუდენტების მონაცემები და ფოტო. ამ სახელმძღვანელოს პირწიგნაკი ერქვა, საიდანაც შემდგომში მისმა შექმნილმა სოციალურმა საიტმა მიიღო სახელწოდება Facebook. პირველი პირწიგნაკი მან ჰარვარდის უნივერსიტეტისთვის შექმნა, რისთვისაც მან უნივერსიტეტის მონაცემთა ბაზა გატეხა და ამის გამო მისი უნივერსიტეტიდან გარიცხვის საკითხიც დადგა, მაგრამ ჰარვარდის სტუდენტების მოთხოვნით მარკმა ისევ აღადგინა ეს სერვისი და ცოტა ხანში თითქმის სტუდენტდების ნახევარი დარეგისტრირდა, მათ ამ საიტზე ჯგუფების თვითორგანიზებაც შეეძლოთ და თანდათან ეს საიტი პოპულარული ხდებოდა სტუდენტებში. რამდენიმე თვეში მარკს ანალოგიური საიტის შექმნის თხოვნით მიმართეს სტენფორდის, კოლუმბიისა და იელის უნივერსიტეტიდან. ცუკერბერგმა გადაწყვიტა დასახმარებლად მიემართა თავისი მეგობრისთვის დასტინ მოსკოვიჩისთვის, რომელთანაც ჰარვარდში ერთ ოთახში ცხოვრობდა.

2006 წლამდე ფეისბუქს მარტო ჰარვარდის უნივერსიტეტის სტუდენტები და ლექტორები იყენებდნენ, მხოლოდ შემდეგ გახდა იგი საყოველთაო მოხმარების სოცქსელი