დიდი ბრიტანეთისა და ევროპის მასშტაბური კომპანიები კიბერთავდასხმის მსხვერპლნი გახდნენ. კიბერთავდასხმის მსხვერპლნი გახდნენ ასევე საერთაშორისო სარეკლამო კომპანიები, უკრანისი მთავრობა და რუსეთის ნავთობკომპანია.

ლონდონში დაარსებული საერთაშორისო კომპანია WPP პირველი იყო, რომელმაც კიბერთავდასხმის შესახებ ინფორმაცია გაავრცელა.

თავდასხმის მსხვერპლი გახდა კიევის მთავარი აეროპორტი, ნაციონალური ბანკი და რამდენიმე კომპანია.

ნორვეგია, დანია, საფრანგეთი და რუსეთიც არიან იმ ქვეყნების სიაში, რომლებსაც აღნიშნული პრობლემა შეექმნათ.

ახალი ვირუსი სახელწოდებით Petya ან Petwrap - ექსპერტების განცხადებით, ვირუსი სწრაფად ვრცელდება და იყენებს იმავე სისუსტეებს, რასაც WannaCry.

ვრცელდება ინფორმაცია იმის შესახებ, რომ ვირუსმა ამერიკის შეერთებული შტატების რამდენიმე ფარმაცევტულ კომპანიაშიც შეაღწია.

კიბერთავდამხსმელები სხვადასხვა ბანკისა თუ საერთაშორისო კომპანიისგან, თითოეულ კომპიუტერში შენახული ინფორმაციის სანაცვლოდ, 300$-ის საფასურის ბითქოინების გადარიცხვას ითხოვენ.