აღნიშნული განცხადებით, ტრამპმა საკუთარი სიტყვები უარყო, რომელიც FBI-ის ხელმძღვანელის თანამდებობიდან გათავისუფლების შემდეგ გააკეთა.
დონალდ ტრამპმა მაშინ, ჯეიმს კომი გააფრთხილა, რომ ვიდრე პრეზიდენტთან დაპირისპირებაზე მედიასთან ისაუბრებდა, უნდა გაეთვალისწინებინა, რომ შესაძლოა არსებობდეს მათი საუბრების ჩანაწერები.
ამ სიტყვების შემდეგ სენატორებმა, რომლებიც ტრამპის რუსეთთან შესაძლო კავშირებს იძიებენ, ჩანაწერების გამოქვეყნება მოითხოვეს.
„ბოლო პერიოდში განვითარებული მოვლენების ფონზე, წარმოდგენაც არ მაქვს არსებობს თუ არა ჩემი და ჯეიმს კომის საუბრების ჩანაწერები. ამ საქმესთან დაკავშირებით, პირადად მე თვითონ არაფერი გამიკეთებია” - განაცხადა ტრამპმა.
შეგახსენებთ, დონალდ ტრამპმა ფედერალური საგამოძიებო ბიუროს ხელმძღვანელობის პოსტიდან კომი მიმდინარე წლის მაისში გაათავისუფლა.
მასალის გამოყენების პირობები






