"ნორმალური ცხოვრება მინდა, მაშინაც კი თუ მეფე გავხდები, საყიდლებზე მაინც თვითონ ვივლი"

"ნორმალური ცხოვრება მინდა, მაშინაც კი თუ მეფე გავხდები, საყიდლებზე მაინც თვითონ ვივლი" - პრინცი ჰარი

მსოფლიო - 13:54, 22 Jun, 2017

3741

დიდი ბრიტანეთის სამეფო ოჯახის წარმომადგენელმა, პრინცი ჰარიმ Newsweek-თან ინტერვიუში, კიდევ ერთხელ ისაუბრა დედის გარდაცვალების შემდეგ არსებულ პრობლემებზე და სამეფო ოჯახის წევრობით გამოწვეულ სირთულეებზე.

როგორც პრინცმა განაცხადა, არ ფიქრობს, რომ მის ოჯახში ვინმეს მონარქობა სურს, ეს უბრალოდ მათ მოვალეობაა, რომლის შესასრულებლადაც იცინი მზად არიან, როდესაც ამის დრო მოვა.

"დედა ძალიან ბევრს აკეთებდა, რომ ჩვენ ჩვეულებრივი ადამიანების ცხოვრებას გავცნობოდით, თან დავყავდით, რათა უსახლკარო ადამიანები გვენახა. მადლობა ღმერთს, მე სრულად არ ვიყავი რეალობას მოწყვეტილი. ხალხს ალბად გაუკვირდება, რომ იცოდეს, როგორი ჩვეულებრივი ცხოვრებით ვცხოვრობთ მე და უილიამი. მე თვითონ დავდივარ მაღაზიებში. ზოგჯერ, უახლოეს სუპერმარკეტში ხორცს ვყიდულობ ხოლმე, მართალია ვიღაც მამჩნევს და ფოტოს მიღებს, მაგრამ მინდა ნორმალური ცხოვრებით ვიცხოვრო და თუკი შვილები მეყოლება, მინდა მათაც ასე იცხოვრონ.

და იმ შემთხვევაშიც, თუკი მეფე გავხდები, საყიდლებზე მაინც თვითონ ვივლი“ - განაცხადა პრინცმა ჰარიმ ახალ ინტერვიუში.

როგორც ბიბისი აღნიშნავს, პრინცი ჰარის ინტერვიუს დიდი სიურპრიზი იყო , რადგან - „ პირველ რიგში, ის ხაზს უსვამს, რომ უინძორები არ მიისწრაფიან უმაღლესი სამეფო პოსტისკენ და ელისაბედ II-ის მემკვიდრეები ამას არა სურვილის, არამედ ვალდებულების გამო აკეთებენ."

აღსანიშნავია, რომ მთელი ინტერვიუს განმავლობაში, პრინც ჰარის მამა არცერთხელ არ უხსენებია.