საქართველოში ავტოგასამართ სადგურების ნაწილში საწვავის ფასმა დაიკლო. აღნიშნული ფაქტი სავარაუდოდ მსოფლიოში ნავთობის ფასის დაწევამ გამოიწვია. Brent-ის მარკის ნავთობის ღირებულება უკვე 45 დოლარზე ნაკლებია.

„ლუკოილის“ ქსელში ბენზინი და დიზელი 5 თეთრით გაიაფდა. ევრო სუპერის 2.24 ლარი, პრემიუმ ავანგარდი 2.14 ლარი, ევრო რეგულარი 1.94 ლარი, ევრო დიზელის კი 1.89 ლარი ღირს.

„გალფის“ ქსელში საწვავის ღირებულება 5-6 თეთრით შემცირდა. G-Force პრემიუმის ფასი 2.19 ლარია, G-Force ევრო რეგულარის 2.11 ლარი, ევრო რეგულარის 2.02 ლარი, G-Force ევრო დიზელის 1.99 ლარი, ევრო დიზელის კი 1.94 ლარი.

ფასის კორექტირება მოსალოდნელია სხვა კომპანიების ავტოგასამართ სადგურებზეც.