Bridge Over Troubled Water - ცნობილმა მომღერლებმა და მუსიკოსებმა ლონდონის ტრაგედიას მუსიკალური კლიპი მიუძღვნეს. ჯესი ჯეი, ლუის ტომლინსონი, ლიამ პეინი, როჯერ დელტრეი მომხდარი ტრაგედიის შედეგად დაზარალებულთა დასახმარებლად გაერთიანდნენ.

ბრიტანეთის ნიჭიერი 2017 წლის გამარჯვებული ტოკიო მაიერსი მუსიკოსებს კლავიშზე დაკვრით აკომპონიმეტს უწევს, პიტ ტონშენდი აკუსტიკურ გიტარაზე, ბრაიან მეი და ნილ როგერსი კი ელექტრონულ გიტარებზე უკრავენ.

სინგლი iTunes-ზე არის ხელმისაწვდომი, მისი გადმოწერის დროს გადახდილი თანხა კი დაზარალებულთა დახმარების ფონდში გადაირიცხება.

საიმონ კოული, რომელიც იდეის ავტორი და პროსუსერია აცხადებს: „სიახლეებს ვაკვირდებოდი, შემდეგ შემთხვევის ადგილზე მივედი და შემზარავი სიტუაცია დამხვდა. ვიფიქრე რომ უმოქმედოდ არ გავჩერდებოდი, ეს დანაშაული იქნებოდა. სწორედ ამიტომ შეიქმნა ვიდეორგოლი, რომელმაც ტრაგედიის შედეგად დაზარალებულთა დასახმარებლად ბრიტანეთის პოპულარული არტისტები გააერთიანა.

შეგახსენებთ, 14 ივნისს, ლონდონის დასავლეთით, კენსინგტონის რაიონში 27-სართულიან საცხოვრებელ შენობას - Grenfell Tower, ცეცხლი გამთენიისას გაუჩნდა. ხანძარი მთელს შენობას 15 წუთში მოედო.

სახლში სავარაუდოდ 600-დე ადამიანი ცხოვრობდა, თუმცა რამადანის გამო ბერვი მათგანი გარეთ იმყოფებოდა. მაცხოვრებლების ნაწილმა სახლის დატოვება მაოხერხა, ნაწილს ამ დრომდე ეძებენ. დაღუპულთა რიცხვი 79-მდე გაიზარდა.