ამერიკელი მსახიობი კერი ფიშერი, რომელმაც მსოფლიოს თავი „ვარსკვლავური ომებიდან” პრინცესა ლეია ორგანას როლით დაამახსოვრა, 2016 წლის დეკემბერში გარდაიცვალა.

რამდენიმე დღის წინ, მისი გარდაცვალების მიზეზების შესახებ დასკვნა გავრცელდა, რომლის თანახმადაც, მსახიობის გარდაცვალების მიზეზი "სხვა უცნობ მიზეზებთან“ ერთად, ასფიქსია გახდა.

დღეს კი ახალი დეტალები გახდა ცნობილი, რომლის თანახმადაც კერი ფიშერის ორგანიზმში 3 სახის ნარკოტიკი - კოკაინის, ჰეროინისა და ექსტაზის კვალი აღმოაჩინეს.

ქსპერტები ვერ ამბობენ შეეძლო თუ არა რომელიმე მათგანს მსახიობის სიკვდილის გამოეწვია, რადგან ექსპერტიზის თანახმად, ფიშერმა კოკაინი გარდაცვალებამდე სამი დღით ადრე მიიღო, ჰეროინისა და ექსტაზის მიღების შესახებ კი, ინფორმაცია უცნობია.

"ვარსკვლავური ომების" პრინცესა ლეია 2016 წლის 27 დეკემბერს, 60 წლის ასაკში გარდაიცვალა.

ფიშერი, ლონდონიდან ლოს-ანჯელესში საკუთარი წიგნის პრეზენტაციაზე მიფრინავდა, რა დროსაც ინფარქტიგადაიტანა და თვითმფრინავის დაშვებისთანავე მისი საავადმყოფოში გადაყვანა გახდა საჭირო.

ფიშერი ლონდონში ბრიტანული სერიალის, „კატასტროფა“, მესამე სეზონის გადაღებებზე იმყოფებოდა.

გარდა იმისა, რომ კერი ფიშერი მონაწილეობდა ისეთ ფილმებში, როგორებიცაა „ძმები ბლუზები“ და „როცა ჰარი შეხვდა სალის“, მსახიობი ოთხი ნოველის ავტორია.