ავსტრალიის მთავრობის გადაწყვეტილებით, სირიაში, ავსტრალიის შეიარაღებული ძალების ყველა საჰაერი ოპერაცია დროებით შეჩერებულია.

ამის შესახებ ავსტრალიის თავდაცვის სამინისტროს განცხადებაშია საუბარი.

ავსტრალიამ გადაწყვეტილება მას შემდეგ მიიღო, რაც აშშ-ის ავიაციამ სირიის ქალაქ რაქაში, სირიის სამთავრობო ძალების სამხედრო თვითმფრინავი ჩამოაგდო, რამაც რუსეთის მწვავე რეაქცია გამოიწვია და ვაშინგტონთან სირიის ცაში ინციდენტების პრევენციის მიმართულებით თანამშრომლობა შეწყვიტა.

„პრევენციული ღონისძიებების ფარგლებში, ავსტრალიის შეიარაღებული ძალების ავიადარტყმები შეჩერებულია” - ნათქვამია ავსტრალიის თავდაცვის უწყების განცხადებაში.

სირიაში ავიაციის მოქმედების შეჩერების მიუხედავად, ერაყში ოპერაცია კვლავ გაგრძელდება.