აერონავტიკის და კოსმოსური სივრცის კვლევის ეროვნული სამმართველო მორიგი ახალი აღმოჩენის შესახებ იტყობინება.

გუშინ გამართულ პრესკონფერენციაზე ცნობილი გახდა, რომ ასობით პლანეტა აღმოაჩინეს.

ნასას კეპლერის კოსმოსური ტელესკოპის ჯგუფმა მისიის ახალ კატალოგი გამოაქვეყნა, რომელშიც 219 ახალი პლანეტის აღმოჩენაზეა საუბარი. მათგან 10 თითქმის დედამიწის ზომის არის, რომლებიც თავიანთ დედა-ვარსკვლავებს სასიცოცხლო ზონაში უვლიან გარს, სწორედ ამ რეგიონში, მყარ პლანეტებს თხევადი წყლის შენარჩუნება შეუძლია.

კეპლერის მისიის გაშვების პირველი წლების შემდეგ, ეს არის, მზის სისტემის მიღმა არსებული პოტენციური პლანეტების, ანუ ეგზოპლანეტების ყველაზე დეტალური კატალოგი . ამავდროულად, ეს არის საბოლოო კატალოგი, რომელიც კოსმოსურმა ტელესკოპმა გედის თანავარსკვლავედის კვლევისას შეადგინა.

ახალი კატალოგთან ერთად, ნასას არქივში არსებულ კატალოგებს დაემატა და დღეისთვის, კეპლერის მიერ გამოვლენილ პოტენციურ პლანეტათა რაოდენობამ 4 034-ს მიაღწია. რომელთაგან 2 335 ეგზოპლანეტად არის იდენტიფიცირებული. სასიცოცხლო ზონაში, კეპლერის მიერ დედამიწის ზომის მსგავსი 50 პოტენციური პლანეტაა აღმოჩენილი, მათგან 30-ზე მეტის ნამდვილობა უკვე შემოწმებული და დამტკიცებულია.

გარდა ამისა, კეპლერის მონაცემებით, მცირე პლანეტათა ჯგუფში ორი განსხვავებული ზომა იკვეთება. ორივე მნიშვნელოვან როლს თამაშო ბს აარამიწიერი სიცოცხლის საძიებლად.

კეპლერის საბოლოო კატალოგი, ფუნდამენტური მნიშვნელობის იქნება ჩვენი გალაქტიკის პლანეტათა გავრცელებისა და დემოგრაფიის უკეთ შესასწავლად.

“კეპლერის მონაცემები უნიკალურია, რადგან ის ერთადერთია, რომელიც დედამიწის მსგავსი პლანეტების პოპულაციას შეიცავს — პლანეტებს, რომელთაც თითქმის დედამიწის მასა აქვს და ორბიტაზე ჩვენი პლანეტის მსგავსად მოძრაობენ” - განაცხადა კეპლერის მისიის მეცნიერმა, მარიო პერესმა.

„გალაქტიკაში მათი სიხშირის განსაზღვრა დაგვეხმარება ნასას სამომავლო მისიების დაგეგმვაში დაგვეხმარება, რომლებიც შესძლებენ პირდაპირი სურათები გადაუღონ სხვა დედამიწებს“ - დასძინა პერესმა გუშინ გამართულ პრესკონფერენციაზე.

კეპლერის კოსმოსური ტელესკოპი პლანეტებზე, ვარსკვლავთა სიკაშკაშეშისინათლის უმცირესი ჩაბნელებების გამოვლენით ნადირობს, რაც მაშინ ხდება, როდესაც მის წინ პლანეტა ჩაივლის - ამ მოვლენას ტრანზიტს უწოდებენ.

აღნიშნული კატალოგი კეპლერისთვის მერვეა, რომელიც თავს უყრის მისიის პირველი ოთხი წლის მანძილზე მოპოვებულ და განახლებულ მონაცემებს. როგორც უკვე აღვნიშნეთ, ეს მონაცემები მეცნიერებს დიდ დახმარებას გაუწევს. ის ერთგვარი გზამკვლელი იქნება,იმისგანსაზღვრისთვის, თუ როგორი პლანეტური პოპულაციისგან შედგება ჩვენი გალაქტიკის პლანეტური დემოგრაფია — დედამიწის ზომის მყარი სხეულებიდან დაწყებული, იუპიტერის ზომის გაზის გიგანტებით დამთავრებული.