გეოლოგი ემილ წერეთელი აცხადებს, რომ თავდაპირველად ისაა დასადგენი, რა ნივთიერებისგან შედგება ვიდეოფირები და სხვა საგნები, რომლებიც სამალავში ინახებოდა. რაც შეეხება ქაღალდს, სპეციალისტი თვლის, რომ ისეთ პირობებში, რაც შსს-ს მიერ გავრცელებულ კადრებში ჩანს, ქაღალდის დაუზიანებლად შენარჩუნება, ფაქტობრივად, შეუძლებელია:

"მნიშვნელოვანია იმის გარკვევა, ვიდეოფირები რა მასალისგან არის დამზადებული. რაც შეეხება ქაღალდებს, გარკვეულ ტენიანობაზე ქაღალდი ფუჭდება, თუ არ იქნება გათვალისწინებული ტენიანობა და ტემპერატურა. პირველ რიგში, უნდა გაირკვეს რა ნივთიერებისგან შედგება ესა თუ ის ნივთი, რა აგებულებისაა და რა გარემოებაში მოხვდება, შეიძლება საუკუნეები იყოს შენახული და არ გაფუჭდეს, ან შეიძლება ძალიან მალე გაფუჭდეს.

თუ მაღალ ტენიანობაში იყო, ქაღალდი, ცხადია, მალე გაფუჭდებოდა, მაგრამ თუ ნორმალურ პირობებშია, საუკუნეების განმავლობაში ხდება მისი შენახვა. რა თქმა უნდა, სპეციალური დაცვა სჭირდება ქაღალდსაც და აბსოლუტურად ყველაფერს რომ გაძლოს მიწაში", - აცხადებს ემილ წერეთელი.