"მძღოლი ყვიროდა, ყველა მუსლიმს მოვკლავ" - თვითმხილველები ლონდონის თავდასხმის დეტალებს ჰყვებიან

მსოფლიო - 10:53, 19 Jun, 2017

4311

ლონდონი მორიგი თავდასხმის სამიზნე გახდა. გვიან ღამე, მეჩეთის სიახლოვეს ფურგინი ხალხის მასაში შევარდა, რის შედეგადაც დაიღუპა ერთი და დაშავდა ათი ადამიანი.

თვითმხილველთა ინფორმაციით, მძღოლი ფეხითმოსიარულეებს შეგნებულად დაეჯახა, მანქანიდან გადმოსვლის შემდეგ კი გაიძახდა, რომ ყველა მუსლიმის მოკვლა სურდა.

სამართალდამცავებმა ფურგონის მძღოლი დააკავეს.

აბდულრჰმან სალეჰ ალამუდი ერთერთია იმ ადამიანთა შორის, რომლებიც შემთხვევის დროს ადგილზე აღმოჩნდა და ხალხს ეხმარებოდა.

„დიდი ფურგონი უბრალოდ ჩვენკენ წამოვიდა. ვფქირობ, 10-მდე ადამიანს დაეჯახა. საბედნიეროდ, მე გაქცევა მოვახერხე. შემდეგ ფურგონიდან მამაკაცი გადმოვიდა. ის ყვიროდა: „ყველა მუსლიმის მოკლვა მინდა, ყველა მუსლიმს მოვკლავ.“ რამდენიმე ადამიანმა მოვახერხეთ მისი დაჭერა. ის ყვიროდა - მომკალით, მომკალით. ვუთხარი, რომ მის მოკვლას არ ვაპირებდით და ვკითხე, რატომ გააკეთა ეს, თუმცა არაფერი უპასუხია" - აცხადებს ალამუდი.

თავდასხმის მოტივის შესახებ ოფიციალური ინფორმაცია ჯერჯერობით არ ვრცელდება. იდი ბრიტანეთის პრემიერის, ტერეზა მეის განცხადებით, ლონდონში მომხდარ შემთხვევას პოლიცია „პოტენციურ ტერორისტულ აქტად“ განიხილავს.