,,შს სამნისტროს მიერ ჩატარებული კომპლექსური ღონისძიებების შედეგად სამეგრელოში აღმოჩენილია შს სამინისტროს ყოფილი მაღალი თანამდებობის პირების უშუალო ორგანიზებითა და ხელმძღვანელობით მიწისქვეშ შენიღბულად მოწყობილი სპეციალური კამუფლიაჟით დაფარული სამალავები, რომლებშიც ნაპოვნია სპეცოპერაციებისათვის, მათ შორის დივერსიული საქმიანობის განხორციელებისთვის გათვალისწინებული დიდი ოდენობით ფეთქებადი ნივთიერებები და ასაფეთქებელი მოწყობილობები, ხელყუმბარები, ავტომატები და სხვა ცეცხლსასროლი იარაღები, კავშირგაბმულობის საშუალებები, სამხედრო ამუნიცია, აგრეთვე დიდი ოდენობით ნარკოტიკული და ძლიერმოქმედი ფსიქოტროპული ნივთიერებები, კერძოდ ჰეროინი, კოკაინი, ოპიუმი, სუბუტექსი და სხვა.

ჩხრეკისას ამოღებულია წინა ხელისუფლებისადმი ოპოზიციურად განწყობილი იმ პირების მონაცემების შემცველი არქივი, რომელთა დაპატიმრებაც იგეგმებოდა სხვადასხვა გაყალბებული ბრალდებებით, 2012 წლის 1 ოქტომბრის საპარლამენტო არჩევნებში ერთიანი ნაციონალური მოძრაობის გამარჯვების შემთხვევაში.

ნიშანდობლივია, რომ ცალკეული დოკუმენტები შედგენილია ხელით, რაც ქმნის მნიშვენლოვან ბაზას დამნაშავე პირების სწრაფად იდენტიფიკაციისა და დაკავებისათვის.

გარდა ამისა, სამალავებში აღმოჩენილია სამართალდამცავების მიერ ადამიანების სასტიკი წამების, მათზე სექსუალური ძალადობის განხორიცელების, ცემის, დამამცირებელი მოპყრობის ამსახველი არაერთი ვიდეო ფირი, რომელთა შესწვლისათვის ამჟამად მიმდინარეობს ინტესნიური სამძებრო ღონისძიებები", - განაცხადა ნინო გიორგობიანმა.