ამის შესახებ საქართველოს პრემიერმინისტრის მრჩეველმა გია ხუხაშვილმა "პალიტრა ტვ"-ს გადაცემაში "აქ და ახლა" განაცხადა, როცა საქართველოს პრეზიდენტის გამონათქვამებსა და მუქარის შემცველ ვიდეორგოლებს შორის შესაძლო კავშირზე ისაუბრა.

გია ხუხაშვილის განცხადებით, 26 მაისს ავღანეთში, ქართველ სამხედრო მოსამსახურესთან პრეზიდენტ სააკაშვილის საუბარმა ქართველი სამხედროების სიცოცხლე საფრთხის ქვეშ დააყენა და შესაძლოა, გამოიწვია კიდეც მსგავსი ვიდეოების შექმნა და გავრცელება.

"ამ ბოლო პერიოდში დამთხვევები არის ძალიან დიდი. მე ახლა ვერც დავდასტურებ და ვერც უარვყოფ, მაგრამ ერთი რაც დანამდვილებით შემიძლია ვთქვა, მე კავშირს ვხედავ 26 მაისს პრეზიდენტის განცხადებასა და იმ ვიდეოებს შორის", - ამბობს გია ხუხაშვილი.